Vinesh phogat case CAS: વિનેશ ફોગાટે પેરિસ ઓલિમ્પિકમાંથી ગેરલાયક ઠર્યા બાદ કોર્ટ ઓફ આર્બિટ્રેશન ફોર સ્પોર્ટ્સ (CAS)માં અપીલ કરી હતી. જ્યાં તે નિષ્ફળ રહી હતી. વિનેશ ફોગાટની અપીલ ફગાવી દેવામાં આવી હતી જેના કારણે તેને સંયુક્ત રીતે સિલ્વર મેડલ મળ્યો ન હતો. હવે CASના નિર્ણયની સંપૂર્ણ નકલ આવી ગઈ છે જેમાં વિનેશ ફોગાટને કેમ ગેરલાયક ઠેરવવામાં આવ્યા તે સમજાવવામાં આવ્યું છે. કોર્ટ ઓફ આર્બિટ્રેશન (CAS) એ સીધું કહ્યું હતું કે તમામ એથ્લેટ્સે તેમના વજનની મર્યાદાથી નીચે રહેવું પડશે અને આ સાથે કોઈ પણ સંજોગોમાં બાંધછોડ કરવામાં આવશે નહીં.
વિનેશ ફોગટ કેમ હારી ગઈ કેસ?
CASએ જણાવ્યું કે વિનેશ ફોગાટની અરજી કેમ નકારી કાઢવામાં આવી. CAS અનુસાર, ‘એથલીટ માટે સૌથી મોટી સમસ્યા એ છે કે નિયમોમાં સ્પષ્ટ રીતે લખેલું છે કે વજનની મર્યાદા શું હોવી જોઈએ અને આ નિયમ દરેક ખેલાડી માટે છે. વજનની કોઈ ઉપલી મર્યાદા સહન કરવામાં આવશે નહીં. વિનેશ ફોગાટની અપીલ પર સીએએસે કહ્યું, ‘વિનેશ ફોગાટનું વજન નિર્ધારિત મર્યાદા કરતાં વધુ હતું તે અંગે કોઈ વિવાદ નથી. તેણે સુનાવણી દરમિયાન આ વાતનો પુરાવો આપ્યો હતો. તેનો કેસ એ હતો કે તેનું વજન માત્ર 100 ગ્રામ વધુ હતું અને વજનમાં આટલા નાના તફાવત માટે ખેલાડીને છૂટ આપવી જોઈએ.’
આ પણ વાંચો: PAK vs BAN: પાકિસ્તાને પ્લેઈંગ ઈલેવનની કરી જાહેરાત, કોઈ સ્પિનરને ન આપી તક
તેની અપીલમાં વિનેશે માંગ કરી હતી કે તેને ક્યુબાના કુસ્તીબાજ યુસ્નેલિસ ગુઝમેન લોપેઝ સાથે સંયુક્ત સિલ્વર મેડલ આપવામાં આવે. જે તેની સામે સેમિફાઈનલમાં હારી ગઈ હતી. 29 વર્ષીય ભારતીય ખેલાડીને ગેરલાયક ઠેરવ્યા બાદ ક્યુબાના કુસ્તીબાજને ફાઇનલમાં રમવાની તક મળી. 50 કિગ્રા વર્ગમાં ગોલ્ડ મેડલ અમેરિકન સારાહ એન હિલ્ડેબ્રાન્ડે જીત્યો હતો.
