વાયનાડની મુલાકાત દરમિયાન રાહુલ ગાંધી પર યુવક ભડક્યો યુવક

કોંગ્રેસ સાંસદ રાહુલ ગાંધીએ ભૂસ્ખલનથી પ્રભાવિત ચુરામાલા અને મુંડક્કાઈની મુલાકાત લીધી હતી. આ દરમિયાન તેઓ પ્રિયંકા ગાંધી સાથે મોટાભાગના વિસ્તારોમાં પગપાળા ગયા હતા. પરંતુ મુંડકાઈથી પરત ફરી રહ્યા હતા ત્યારે બેઈલી બ્રિજ પાસે એક યુવકે તેને કારમાંથી બહાર આવવા કહ્યું હતું. જ્યારે રાહુલ ગાંધી પોતાની કારમાંથી નીચે ન ઉતર્યા તો યુવક ગુસ્સે થઈ ગયો.

Tourist MP @RahulGandhi faced public outrage while he visited the landslide areas of Wayanad. @BJP4India @smritiirani @amitmalviya @surendranbjp @BJP4UP @BJP4Keralam pic.twitter.com/Ow7dwpkO5d

— Sandeep Vaachaspathi (@rsandeepbjp) August 2, 2024

રાહુલ ગાંધી ગુસ્સે ભરાયેલા યુવકે શું કહ્યું ?

આ પછી યુવકે રાહુલ ગાંધીને ગુસ્સામાં કહ્યું, ‘તમે અમારા સાંસદ છો. અમે તમને વિજયી બનાવીને મોકલ્યા છે. તમે તમારી કારમાંથી બહાર આવો. આ દરમિયાન જ્યારે રાહુલ ગાંધી સાથે આવેલા સ્થાનિક ધારાસભ્યે દરમિયાનગીરી કરી તો યુવકે કહ્યું કે તમે મને ડરાવી શકતા નથી. મારી સુરક્ષા માટે પણ અહીં લોકો છે. આ પછી યુવકે કહ્યું, ‘આ કોઈ પ્રવાસી નથી જે પોતાની કારમાંથી બહાર ન આવી શકે. આ અમારા સાંસદ છે.

રાહુલ ગાંધીએ 100થી વધુ ઘર બનાવવાનું વચન આપ્યું હતું

તમને જણાવી દઈએ કે,  વાયનાડની મુલાકાત બાદ રાહુલ ગાંધીએ વચન આપ્યું હતું કે કોંગ્રેસ પાર્ટી વાયનાડમાં 100થી વધુ ઘર બનાવશે. તેમણે સોશિયલ મીડિયા પર લખ્યું, ‘કેરળમાં આ વખતે વાયનાડમાં આટલી વિનાશકારી દુર્ઘટના કોઈ એક વિસ્તારમાં જોવા મળી નથી. હું આ મુદ્દો કેન્દ્ર અને રાજ્ય સરકારો બંને સમક્ષ ઉઠાવીશ, કારણ કે આ દુર્ઘટના તાત્કાલિક જવાબની માંગ કરે છે. અમારું તાત્કાલિક ધ્યાન બચાવ, રાહત અને પુનર્વસન પ્રયાસો પર છે. કોંગ્રેસ પરિવાર અહીં 100 થી વધુ મકાનો બનાવવા માટે પ્રતિબદ્ધ છે. અમે એ સુનિશ્ચિત કરવા માટે સમર્પિત છીએ કે આ જરૂરિયાતના સમયમાં અમારા ભાઈઓ અને બહેનોને શક્ય તમામ સહાય પૂરી પાડવામાં આવે.

આ પણ વાંચો : Amreli : છેલ્લા 12 દિવસથી ધરણા પર બેઠેલા સફાઈ કામદારોની ધીરજ ખૂટી, નગરપાલિકા કચેરીને માર્યા તાળા