ત્યારબાદ આમ આદમી પાર્ટીના વડોદરા શહેર પ્રમુખ અશોક ઓઝાએ મીડિયા સમક્ષ પોતાની વાત રજૂ કરતા જણાવ્યું હતું કે, આમ આદમી પાર્ટી દ્વારા બોટાદમાં ખેડૂતો સાથે થઈ રહેલા કડદા વિરુદ્ધ આંદોલન ચલાવવામાં આવ્યું અને સરકારે આખા બોટાદને કિલ્લેબંધીમાં ફેરવી દીધું અને કોઈને બોટાદમાં પ્રવેશ કરવા દીધા નહીં. ત્યારબાદ આમ આદમી પાર્ટીના નેતા દ્વારા હડદડ ગામમાં મહાપંચાયતનું આયોજન કરવામાં આવ્યું અને ત્યાં પોલીસે ખેડૂતો પર દમન ગુજાર્યો. ઉંમરલાયક ખેડૂતોને પણ માર મારવામાં આવ્યો અને લોકોના ઘરના દરવાજા તોડીને લોકોને ખૂબ માર મારવામાં આવ્યો હતો અને ત્યારબાદ ખેડૂતો અને આમ આદમી પાર્ટીના નેતાઓ એમ કુલ મળીને 85 જેટલા લોકોને જેલમાં મોકલ્યા હતા. છતાં પણ અમે પીછે હટ કરી નથી અને બુલંદીથી અમારો અવાજ ઉઠાવીશું અને સરકારને કહેવા માંગીએ છીએ કે કડદા પ્રથા બંધ કરો અને ખેડૂતોનો અવાજ સાંભળો અને ખેડૂતોને સહાય કરો. પરંતુ સરકાર આ અવાજ સાંભળતી નથી માટે આમ આદમી પાર્ટી ઠેર ઠેર કિસાન મહાપંચાયત યોજી રહી છે. અગાઉ આવી જ કરેલી કિસાન મહાપંચાયતમાં હજારોની સંખ્યામાં ખેડૂતો જોડાયા હતા. આણંદ જિલ્લાના આંકલાવ તાલુકા ખાતે 29 નવેમ્બરના રોજ આમ આદમી પાર્ટી વધુ એક કિસાન મહાપંચાયતનું આયોજન કરશે અને હું તમામ ખેડૂતોને આ કિસાન મહાપંચાયતમાં હાજરી આપવા માટે આમંત્રિત કરું છું.

આ પણ વાંચો: West Bengalમાં SIR ફોર્મ ભરતી વખતે બાંગ્લાદેશી નાગરિકની ધરપકડ, 15 વર્ષ પહેલા આવ્યો હતો ભારત