“અમે હત્યારાઓને પાછા લાવવા માંગીએ છીએ અને ભ્રષ્ટ વ્યક્તિઓ, રાજકારણીઓ અને અમલદારો દ્વારા વિદેશમાં મોકલવામાં આવેલા નાણાં પાછા લાવવા માંગીએ છીએ જેમણે ભૂતપૂર્વ સરમુખત્યાર શાસન દરમિયાન ભ્રષ્ટાચાર કર્યો હતો,” યુનુસે એક સત્તાવાર નિવેદનમાં જણાવ્યું હતું. જો કે યુનુસે કોઈ ખાસ વ્યક્તિનું નામ લીધું ન હતું, પરંતુ તેમનું નિવેદન ભૂતપૂર્વ વડા પ્રધાન શેખ હસીના તરફ હોવાનું માનવામાં આવે છે.

શેખ હસીનાએ ચૂપ રહેવું જોઈએઃ મોહમ્મદ યુનુસ

યુનુસે આપેલા ઈન્ટરવ્યુમાં કહ્યું હતું કે Sheikh Hasinaએ ભારતમાં હોય ત્યારે ‘મૌન’ રહેવું જોઈએ. “જો હસીના ઈચ્છે છે કે જ્યાં સુધી બાંગ્લાદેશ તેને પરત ન લઈ લે ત્યાં સુધી તેણી ભારતમાં જ રહે, તો તેના માટે શરત એ હશે કે તેણે મૌન રહેવું પડશે,” યુનુસે એમ પણ કહ્યું કે હસીના ભારતમાં હોય ત્યારે નિવેદન આપવી અને સૂચનાઓ આપવી તે આપણા અને ભારત માટે સારું નથી.

શેખ હસીનાએ પોતાના પુત્ર દ્વારા આ નિવેદન આપ્યું હતું

બાંગ્લાદેશમાં શેખ હસીના વિરુદ્ધ વ્યાપક વિરોધ છતાં તે સ્થિર નથી. તેમણે તેમના પુત્ર દ્વારા એક નિવેદન જારી કરીને બાંગ્લાદેશીઓને 1975માં ઢાકામાં તેમના પિતા શેખ મુજીબુર રહેમાનની હત્યાની વર્ષગાંઠ મનાવવાની અપીલ કરી હતી. તેમણે તેમના શાસન સામે વિરોધ દરમિયાન થયેલા મૃત્યુની તપાસની પણ માંગ કરી હતી. જો કે, હસીના હવે ગુપ્ત સ્થાને છે અને આ પછી તેણે વધુ નિવેદન જારી કર્યું નથી.

યુનુસે કહ્યું કે તેમની વચગાળાની સરકારનો પ્રાથમિક પડકાર ભૂતપૂર્વ સરમુખત્યારશાહી દરમિયાન પડેલા ઘાને રુઝાવવાનો છે. “આ માટે આપણે એકતા અને સમન્વયની જરૂર છે,” તેમણે કહ્યું કે હસીનાની સરકાર પતન બાદ હિંદુઓ અને અન્ય લઘુમતીઓના ઘરો, વ્યવસાયો અને મંદિરો પર હુમલા થયા છે.

બાંગ્લાદેશમાં માર્ચ કાઢવામાં આવી

વિરોધનું નેતૃત્વ કરી રહેલા ભેદભાવ વિરોધી વિદ્યાર્થી આંદોલને ગુરુવારે આંદોલનના શહીદોની યાદમાં એક કાર્યક્રમનું આયોજન કર્યું હતું. ઢાકા યુનિવર્સિટીના રાજુ મેમોરિયલ સ્કલ્પચરથી શરૂ થયેલી ‘શહીદ માર્ચ’ ઢાકાના મુખ્ય વિસ્તારોમાંથી પસાર થઈને સેન્ટ્રલ શહીદ મિનાર પર સમાપ્ત થઈ. માર્ચ દરમિયાન વિદ્યાર્થીઓએ બાંગ્લાદેશનો રાષ્ટ્રધ્વજ લહેરાવ્યો હતો અને હસીનાની સરકાર વિરુદ્ધ સૂત્રોચ્ચાર કર્યા હતા. તેઓએ ગાઝાના લોકો માટે સમર્થન વ્યક્ત કરવા માટે પેલેસ્ટિનિયન ધ્વજ પણ લહેરાવ્યો હતો.

આ પણ વાંચો: પુતિને આ શું કહી દીધું? Russia-યુક્રેન યુદ્ધને ભારત રોકી શકશે?