અર્જુન મોઢવાડિયાએ આપ્યું રાજીનામું

પ્રાપ્ત જાણકારી મુજબ અંબરીશ ડેરની સાથે ગુજરાત કોંગ્રેસના મોટા ગજાના નેતા અર્જુન મોઢવાડિયા (Arjun Modhwadia) પણ રાજીનામુ આપી દીધું છે. મહત્વનું છે કે, આજે ગુજરાત કોંગ્રેસ દ્વારા રાહુલ ગાંધીના પ્રવાસ અંગેની પ્રેસ કોન્ફરન્સ કરવામાં આવી હતી. જેમા આ મોટા નેતા અર્જુન મોઢવાડિયા હાજર હતા નહીં. જેના કારણે અનેક તર્ક વિતર્ક ઉભા થયા હતા. ત્યારે અંબરીશ ડેરના રાજીનામાં બાદ તેઓ પણ રાજીનામુ આપવા માટે ગાંધીનગર રવાના થયા હતા અને વિધાનસભાના અધ્યક્ષ પાસે આ માટેનો સમય માંગ્યો હતો. અને અર્જુન મોઢવાડીયા  (Arjun Modhwadia) એ  વિધાનસભા અધ્યક્ષ શંકર ચૌધરીને મળીને પોતાનું રાજીનામુ સુપ્રત કર્યું છે.  હવે અર્જૂન મોઢવાડિયા  અંબરીશ ડેરની સાથે ભાજપમાં જોડાશે તેવું કહેવમા આવી રહ્યુ છે. અંબરીશ ડેરની સાથે તેમના સ્થાનિક નેતાઓ પણ ભાજપમાં જોડાશે ત્યારે મોઢવાડિયાની સાથે વધુ 2 MLA કોંગ્રેસ સાથે છેડો ફાડશે તેવું પણ કહેવામા આવી રહ્યું છે.

ભાજપને મોટો ફાયદો

ગુજરાતમાં કોંગ્રેસના જે ધારાસભ્યો બાકી રહ્યા હતા, તે પૈકીના અર્જુન મોઢવાડિયા સૌથી સિનિયર નેતા છે. ત્યારે અર્જુન મોઢવાડિયાના કોંગ્રેસમાં રાજીનામાથી સીધો ફાયદો ભાજપને જોવા મળી રહ્યો છે. પોરબંદરમાં જાતિનું જે સમીકરણ છે, મેર અને લેઉવા પાટિદારનું ત્યાં પ્રભુત્વ છે.એટલે જ સ્વાભાવિક રીતે જ જો અર્જુન મોઢવાડિયા ભાજપમાં આવે તો પોરબંદરની જે બેઠક છે, કે જ્યાં મનસુખ માંડવિયા પહેલી વખત ચૂંટણી લડવા જઇ રહ્યા છે, તે બેઠક વન વે થવા સાથે હાઇએસ્ટ માર્જિન જોવા મળી શકે છે.

શક્તિસિંહે શું કહ્યું હતું ?

અર્જુન મોઢવાડિયા અંગે શક્તિસિંહે કહ્યું હતુ કે, અર્જુન મોઢવાડિયા સાથે આજે સવારે જ રાહુલ ગાંધીની યાત્રા અંગે ફોન પર વાત કરી છે. તેમણે ફોનમાં જણાવ્યુ હતુ કે, રાહુલ ગાંધી યાત્રા અંગેની તૈયારીઓ બરાબર ચાલી રહી છે. કાર્યકર્તાઓમાં જુસ્સો છે આવી વાતચીત પણ થઇ હતી.

આ પણ વાંચો :  અંબરીશ ડેરના ભાજપમાં જોડાવવાથી કોંગ્રેસને કેટલું મોટુ નુકસાન થશે ?