Vande Bharat Train: વડા પ્રધાન નરેન્દ્ર મોદીએ (PM modi) રવિવારે ઝારખંડમાં (Jharkhand) 6 નવી વંદે ભારત ટ્રેનોને (Vande Bharat Train) લીલી ઝંડી બતાવી હતી. આ પહેલા પીએમ મોદીની જમશેદપુરની મુલાકાત હતી, જે રદ કરવામાં આવી છે. આ પછી તેમણે રાંચી એરપોર્ટ પરથી જ ઓનલાઈન વિવિધ યોજનાઓનું ઉદ્ઘાટન કર્યું. ભારે વરસાદને કારણે આ નિર્ણય લેવામાં આવ્યો છે. આ કારણોસર રોડ શો પણ રદ કરવામાં આવ્યો હતો.
PM મોદીએ ઝારખંડને આપી 6 નવી વંદે ભારત ટ્રેનો ભેટ આપી
પીએમ મોદીએ કહ્યું કે કેન્દ્ર સરકાર ઝારખંડના ઝડપી વિકાસ માટે પ્રતિબદ્ધ છે. ઝારખંડ જતા પહેલા પીએમ મોદીએ X પર એક પોસ્ટ કરી હતી. તેમણે લખ્યું, અમે ઝારખંડના ઝડપી વિકાસ માટે સંકલ્પબદ્ધ છીએ. આજે ટાટાનગરમાં સવારે લગભગ 10 વાગ્યે, અમને છ ‘વંદે ભારત’ પ્રોજેક્ટ્સનો શિલાન્યાસ અને અન્ય ઘણા પ્રોજેક્ટ્સનું ઉદ્ઘાટન કરવાનો લહાવો મળશે.
#WATCH | PM Modi virtually flags off the Tatanagar-Patna Vande Bharat train at Tatanagar Junction Railway Station.
He will also lay the foundation stone and dedicate to the nation various Railway Projects worth more than Rs. 660 crores and distribute sanction letters to 20,000… pic.twitter.com/vNiDMSA6tK
— ANI (@ANI) September 15, 2024
રૂ. 21,000 કરોડની વિવિધ વિકાસ યોજનાઓની ભેટ
આ ઉપરાંત હું પીએમ આવાસ યોજના-ગ્રામીણના લાભાર્થીઓને લગતા કાર્યક્રમનો પણ ભાગ બનીશ. પીએમ મોદીએ આજે ઝારખંડમાં છ વંદે ભારત ટ્રેનને લીલી ઝંડી બતાવી હતી. આ ઉપરાંત તેમણે રૂ. 21,000 કરોડની વિવિધ વિકાસ યોજનાઓના ઉદ્ઘાટન અને શિલાન્યાસ પણ કર્યા છે. PMની ઝારખંડ મુલાકાત માટે કડક સુરક્ષા વ્યવસ્થા કરવામાં આવી છે.
આ રૂટ પર નવી વંદે ભારત ટ્રેનો દોડશે
આ છ નવી ટ્રેનો છે ટાટા નગર-પટના, બ્રહ્મપુર-ટાટા નગર, રાઉરકેલા-હાવડા, દેવઘર-વારાણસી, ભાગલપુર-હાવડા અને ગયા-હાવડા વચ્ચે દોડશે.આ નવી વંદે ભારત ટ્રેનો તીર્થયાત્રીઓને દેવઘરમાં બૈદ્યનાથ ધામ, વારાણસીમાં કાશી વિશ્વનાથ મંદિર, કાલીઘાટ અને કોલકાતાના બેલુર મઠ જેવા ધાર્મિક સ્થળોએ ઝડપથી પહોંચવામાં મદદ કરશે. આ ઉપરાંત આ ટ્રેનો ધનબાદમાં કોલ માઇનિંગ ઉદ્યોગ, કોલકાતામાં જૂટ ઉદ્યોગ અને દુર્ગાપુરમાં લોખંડ અને સ્ટીલ ઉદ્યોગને પણ વેગ આપશે.
