Vadodara: રાજ્યમાં ભ્રષ્ટાચાર (Corruption) ચરમસીમાએ જોવા મળી રહ્યો છે. કોઈ પણ કામ ભ્રષ્ટાચાર વગર થતુ નથી ત્યારે ભ્રષ્ટાચારને કારણે સામાન્ય જનતાને મુશીબત ભોગવવાનો વારો આવતો હોય છે. રાજ્યમાં છેલ્લા કેટલાક સમયથી એવું સામે આવતુ હતુ કે, બ્રિજ બને અને તેના થોડા જ વર્ષોમાં તે જર્જરીત થવો ગાબડા પડવા વગરે ઘટનાઓ સામે આવતી હોય છે જેથી બ્રિજ શુ થયાના થોડા જ વર્ષોમાં ભ્રષ્ટાચારની પોલ ખુલી જતી હોય છે. ત્યારે હવે રાજ્યમાં ભ્રષ્ટ અધિકારીઓની પોલ હવે ભાજપના જ નેતાઓ  ખોલી રહ્યા છે. ત્યારે વડોદરામાં  (Vadodara) નવ નિર્મિત બ્રિજ ઉદઘાટન પૂર્વે ક્ષતિ ગ્રસ્ત થયો હોવાની ઘટના સામે આવી છે. આ મામલો સામે આવતા સાવલીના ધારાસભ્ય કેતન ઈનામદાર (MLA Ketan Inamdar)  મેદાનમાં આવ્યા છે. કેતન ઈનામદારે આ મામલે મુખ્યમંત્રીને પત્ર લખ્યો છે.