સરકારને વિનંતી

રાજસ્થાન વૂલન ઇન્ડસ્ટ્રીના પ્રમુખે ANI સાથેની વાતચીતમાં કહ્યું છે કે બિકાનેર ઊનનું સૌથી મોટું બજાર છે અને કાર્પેટ માટેના દોરા અહીં ઉત્પન્ન થાય છે. આવી સ્થિતિમાં તે બધાનું જીવન અસ્તવ્યસ્ત થઈ શકે છે. તેમણે સરકારને 33% ટેક્સ સ્લેબ ઘટાડવા અને કાર્પેટ પર ડ્યુટી 5% થી વધારીને 15% કરવા વિનંતી કરી છે.

કેન્દ્રને ઉકેલ માટે અપીલ

તેમણે કહ્યું “સરકારે તાત્કાલિક હસ્તક્ષેપ કરવાની જરૂર છે. અમે સરકાર પાસેથી કોઈ મહત્વપૂર્ણ પ્રકારના સમર્થનની અપેક્ષા રાખીએ છીએ. પ્રથમ કાર્પેટ ઉદ્યોગને 1996 સુધી આવકવેરામાંથી મુક્તિ આપવામાં આવી હતી. આજે ફરીથી આ મુક્તિની જરૂર છે. Trump ટેરિફનો સામનો કરવા માટે ઊન ઉદ્યોગ પર લાગુ 33% આવકવેરા સ્લેબ દૂર કરવો જોઈએ. બીજું કાર્પેટ પર હાલમાં લાદવામાં આવતી 5% ડ્યુટીને પાછી 15% કરવી જોઈએ.

આ સંદર્ભમાં અમે સેન્ટ્રલ વૂલ ડેવલપમેન્ટ બોર્ડ દ્વારા મેમોરેન્ડમ આપીને કેન્દ્ર સરકારને અમારી માંગણીઓ મોકલી છે. જો જરૂર પડે તો, અમે કોઈપણ સ્તરે ટેરિફ સામે લડવા માટે તૈયાર છીએ. બિકાનેર ઇન્ડસ્ટ્રીયલ ચેમ્બરના ઉપપ્રમુખ કમલ બોથરાએ પણ ઉદ્યોગ અને રોજગાર પર ટ્રમ્પ ટેરિફની અસર અંગે ચિંતા વ્યક્ત કરી છે. તેમણે કહ્યું કે ઘણા ઓર્ડર રદ કરવામાં આવ્યા છે અને ઉત્પાદનમાં પણ ભારે ઘટાડો થયો છે.

આ પણ વાંચો:Gujaratના 6 જિલ્લામાં ભારે વરસાદની ચેતવણી, IMDએ જાહેર કર્યું ઓરેન્જ એલર્ટ