મુસ્લિમ પક્ષ અલ્હાબાદ હાઈકોર્ટ પહોંચ્યો

જ્ઞાનવાપી સંકુલમાં આવેલા વ્યાસ ભોંયરામાં પૂજન માટે પરવાનગી આપવામાં આવી છે, ત્યારબાદ બુધવારે મોડી રાત્રે વ્યાસ ભોંયરામાં મૂર્તિઓ મૂકીને પૂજનનો પ્રારંભ કરાયો હતો. બીજી તરફ મુસ્લિમ પક્ષે વ્યાસજીના ભોંયરામાં પૂજા કરવાના અધિકાર સામે અલ્હાબાદ હાઈકોર્ટમાં અરજી દાખલ કરી છે. અંજુમન એરેન્જમેન્ટ કમિટીએ વહેલી સુનાવણીની વિનંતી કરી છે અને નીચલી કોર્ટના નિર્ણયને પડકાર્યો છે. તમને જણાવી દઈએ કે હિન્દુ પક્ષો પહેલાથી જ કેવિયેટ દાખલ કરી ચૂક્યા છે.

15 દિવસની મુદત વધારવાની માંગ

જ્ઞાનવાપી સંકુલમાં સ્થિત વ્યાસજીના ભોંયરામાં પૂજા કરવાના અધિકારનો મામલો ફરી વારાણસી જિલ્લા કોર્ટમાં પહોંચ્યો છે. મુસ્લિમ પક્ષે કોર્ટ પાસે 15 દિવસનો સમય વધારવાની માંગ કરી છે. અરજીમાં કહેવામાં આવ્યું છે કે 15 દિવસ સુધી આદેશનો અમલ કરવામાં ન આવે. હાઇકોર્ટમાં અરજી દાખલ કરવા માટે સમય માંગવામાં આવ્યો છે.

જ્ઞાનવાપીમાં બુધવારે મોડી રાત્રે પૂજા થઈ હતી

આપને જણાવી દઈએ કે તાજેતરના ASI સર્વેમાં એ વાત સ્પષ્ટ થઈ ગઈ હતી કે જ્ઞાનવાપીની મસ્જિદ એક જૂના ભવ્ય હિંદુ મંદિરની રચના પર બનાવવામાં આવી હતી, જેમાં હિંદુ મંદિર સંસ્કૃતિના અનેક ચિહ્નો છે. દિવાલો પર મળી આવ્યા હતા અને સ્તંભો પર શિલાલેખો મળી આવ્યા હતા.

હિન્દુ પક્ષના વકીલે શું કહ્યું ?

વારાણસીની જિલ્લા અદાલતે વ્યાસ ભોયરામાં પૂજાની પરવાનગી આપી હતી, ત્યાર બાદ બુધવારે આઠ દેવતાઓની મૂર્તિઓ મૂકીને પૂજા કરવામાં આવી હતી. હિન્દુ પક્ષના વકીલે ગુરુવારે આ સંદર્ભમાં કહ્યું કે, આ અમારા મુખ્ય લક્ષ્ય તરફ એક પગલું છે. હું પ્રશાસનનો આભાર માનું છું જેણે આદેશનું પાલન કર્યું. જ્ઞાનવાપીના વજુખાનાની અંદર વ્યાસ ભોંયરામાં પરંપરાગત પદ્ધતિથી માત્ર મૂર્તિઓની જ સ્થાપના કરવામાં આવી ન હતી, પરંતુ તેમની ષોડશોપચાર પૂજા પણ કરવામાં આવી હતી.

ભોંયરામાં બહારથી ભક્તો કરી રહ્યા છે દર્શન

ભક્તો વ્યાસજીના ભોંયરામાં બહારથી દર્શન કરી રહ્યા છે, જ્યાં 31 વર્ષ બાદ ગઈકાલે રાત્રે પૂજા શરૂ થઈ હતી. આ ભોંયરું જ્ઞાનવાપી સંકુલમાં જ્ઞાનવાપી મસ્જિદની નીચે છે અને ભક્તો તેના દરવાજા ખોલીને કાશી કોરિડોરમાં દર્શન કરવા આગળ વધે છે.