સુપ્રીમ કોર્ટ સોમવારે આમ આદમી પાર્ટી (AAP)ના નેતા મનીષ સિસોદિયાની જામીન અરજી પર સુનાવણી કરશે. સિસોદિયા દિલ્હી એક્સાઇઝ પોલિસી કૌભાંડ સંબંધિત ભ્રષ્ટાચાર અને મની લોન્ડરિંગના આરોપમાં જેલમાં છે.

જસ્ટિસ બીઆર અને જસ્ટિસ કે.વી.ની બેન્ચ સુનાવણી કરશે

જસ્ટિસ બીઆર ગવઈ અને જસ્ટિસ કે.વી.વિશ્વનાથનની બેન્ચ બે અરજીઓ પર સુનાવણી કરશે. સીબીઆઈ અને ઈડી તરફથી હાજર થયેલા એડિશનલ સોલિસિટર જનરલ એસવી રાજુએ 29 જુલાઈના રોજ બેંચને કહ્યું હતું કે સીબીઆઈએ સિસોદિયાની અરજીનો જવાબ દાખલ કરી દીધો છે, પરંતુ તે હજુ સુધી રેકોર્ડ પર ઉપલબ્ધ નથી. રાજુએ સિસોદિયાની દલીલો સામે પણ વાંધો ઉઠાવ્યો હતો અને કહ્યું હતું કે દિલ્હી હાઈકોર્ટના સમાન આદેશને પડકારતી આ બીજી વિશેષ રજા અરજી છે.

સિસોદિયાના વકીલે આ દલીલ કરી હતી

સિસોદિયાના વકીલે દલીલ કરી હતી કે વરિષ્ઠ AAP નેતા 16 મહિનાથી જેલમાં છે અને કેસ આગળ વધી રહ્યો નથી. ઓક્ટોબર 2023થી તપાસમાં કોઈ પ્રગતિ થઈ નથી. સુપ્રીમ કોર્ટે ગયા વર્ષે 30 ઓક્ટોબરે પોતાના ચુકાદામાં સિસોદિયાને જામીન આપવાનો ઇનકાર કરી દીધો હતો, પરંતુ કહ્યું હતું કે જો આગામી ત્રણ મહિનામાં ટ્રાયલ ધીમી ગતિએ આગળ વધે તો તેઓ નવેસરથી જામીન માટે અરજી કરી શકે છે.

આ પણ વાંચો: JDUએ રમી ‘ગેમ’, Nitish kumarના કૉલેજ મિત્રએ ભાજપનું ટેન્શન વધાર્યું!