Vande Bharat Train Par Pathrav : વંદં ભારત ટ્રેન (Vande Bharat Train) શરુ થઈ ત્યારથી અવાર નવાર તેને નિશાન બનાવવામા આવી રહી છે. દેશમાં અત્યાર સુધી ઘણી વંદે ભારત ટ્રેનો દોડાવવામાં આવી રહી છે. તેથી ટૂંક સમયમાં જ દેશને સ્લીપર વંદે ભારત ટ્રેન મળવા જઈ રહી છે. તો વંદે ભારત પર પથ્થરમારાની (Stone pelting) ઘટનાઓ હજુ પણ સામે આવી રહી છે. ત્યારે ફરી એકવાર વંદે ભારત પર પથ્થરમારો કરવામાં આવ્યો હતો. આ ઘટના છત્તીસગઢના (Chhattisgarh) મહાસમુંદમાં બની હતી. આ પથ્થરમારો બાગબહરા રેલવે સ્ટેશન પર વંદે ભારત ટ્રેન પર થયો હતો.ત્યારે પોલીસે આ પથ્થરમારો કરનારા આરોપીઓને ઝડપી પણ લીધા છે.
આરપીએફ પોલીસે 5 આરોપીઓની ધરપકડ કરી
મળતી માહિતી મુજબ દુર્ગ-વિશાખાપટ્ટનમ વંદે ભારત પર ટ્રાયલ દરમિયાન શુક્રવારે રાત્રે મહાસમુંદના બાગબહરા પાસે કેટલાક યુવકોએ પથ્થરમારો કર્યો હતો. જેના કારણે કોચ સી-2, સી-4, સી-9ની બારીમાં તિરાડો પડી ગઈ હતી. ટ્રેન સ્ટાફે આ અંગે રેલવે પ્રોટેક્શન ફોર્સને જાણ કરી હતી. રેલવે પોલીસે પાંચ યુવકોની ધરપકડ કરી છે. પાંચેય આરોપીઓ બગબહરાના રહેવાસી છે. આરપીએફ પોલીસ રેલવે એક્ટ 1989 હેઠળ કેસ નોંધશે અને આરોપીને આજે જ રેલવે કોર્ટમાં રજૂ કરશે.
પીએમ મોદી લીલી ઝંડી બતાવવાના છે
વડાપ્રધાન નરેન્દ્ર મોદી 16 સપ્ટેમ્બરે આ ટ્રેનને લીલી ઝંડી આપવાના છે. આ ટ્રેનને ટ્રાયલ રન તરીકે શુક્રવારે સવારે 5.45 વાગ્યે દુર્ગથી વિશાખાપટ્ટનમ માટે રવાના કરવામાં આવી હતી. ત્યાંથી પરત ફરતી વખતે રાત્રે 9.45 કલાકે તેના પર પથ્થરમારો કરવામાં આવ્યો હતો. રાત્રે 11 વાગે દુર્ગ પહોંચતા જ આ ટ્રેનને યાર્ડમાં લઈ જવામાં આવી હતી. તેની અહીં તપાસ કરવામાં આવી હતી.
ઘટનાને લઈને રેલવે પોલીસની નિવેદન
RPF ઓફિસર પરવીન સિંહે કહ્યું, ‘ગઈકાલે વંદે ભારત ટ્રેનનું ટ્રાયલ રન હતું જે 16મીથી દોડશે. તે સવારે 7.10 વાગ્યે મહાસમુંદથી નીકળી હતી. 9 વાગ્યાની આસપાસ, કેટલાક અસામાજિક તત્વોએ બગબહેરા નજીક એક ચાલતા વાહન પર પથ્થરમારો કર્યો હતો. અમારી સહાયક પાર્ટી ટ્રેનમાં હથિયારો સાથે હતી. તેમણે માહિતી આપી હતી. માહિતી મળ્યા બાદ તરત જ એક ટીમે જઈને તપાસ કરી હતી અને પાંચ આરોપીઓની ધરપકડ કરવામાં આવી હતી. પાંચ આરોપીઓના નામ શિવ કુમાર બઘેલ, દેવેન્દ્ર કુમાર, જીતુ પાંડે, સોનવાણી અને અર્જુન યાદવ છે. પાંચેય બાગબહરાના છે. આ અસામાજિક તત્વો છે. આરપીએફ અધિકારીએ કહ્યું, ‘તપાસ દરમિયાન સામે આવ્યું છે કે શિવકુમાર બઘેલ નામના આરોપીનો ભાઈ કાઉન્સિલર છે. રેલ્વે એક્ટની કલમ 153 હેઠળ કાર્યવાહી કરવામાં આવી રહી છે.
આ પણ વાંચો : જેલમાંથી બહાર આવ્યા બાદ મારી તાકાત 100 ગણી વધી ગઈ : Arvind Kejriwal
