Somnath Demolition : ગુજરાતમાં હમણાં ગેરકાયદેસર દબાણો પર બુલડોઝર ફેરવવામાં આવી રહ્યા છે. ત્યારે શુક્રવારે રાત્રે અચાનક સોમનાથમાં મેગા ડિમોલિશન હાથ ધરવામાં આવ્યું. આ ડિમોલિશનમાં અંદાજે 102 એકર સરકારી જમીન ખુલ્લી કરવામાં આવી છે. જેની અંદાજીત બજાર કિંમત 320 કરોડ રૂપિયા જેટલી થાય છે. આ દબાણ કામગીરીમાં કોઈ અનિચ્છનીય બનાવ ન બને તે માટે પોલીસ અને તંત્ર દ્વારા સખ્ત બંદોબસ્ત ઉભો કરી દેવામાં આવ્યો. પરંતુ અચાનક થયેલ આ સમગ્ર ડિમોલિશન મામલે ઓલિયા-એ-દિન કમિટી દ્વારા અરજી કરવામાં આવી હતી. આ મામલે આજે સુનાવણી હાથ ધરવામાં આવી હતી. અરજદારે કહ્યું હતું કે આ મામલે જમીન યથાસ્થિતિ રાખવામાં આવે. અરજદારની અરજીને નકારી અને હાઇકોર્ટે કહ્યું કે, ડિમોલિશનના વિસ્તારમાં ફેન્સીંગની કામગીરી ચાલુ જ રહેશે. અને આ જમીન સોમનાથ ટ્રસ્ટની છે અને તેમને જ મળશે.