Shimla Protests : હિમાચલ પ્રદેશની રાજધાની શિમલાના સંજૌલી વિસ્તારમાં એક મસ્જિદના કથિત ગેરકાયદે બાંધકામનો વિવાદ શમવાનો કોઈ સંકેત દેખાઈ રહ્યો નથી. આ મુદ્દે આજે હિંદુ સંગઠનોએ વિરોધ પ્રદર્શન કરતા પોલીસ બેરીકેટ્સ તોડી નાખ્યા હતા. હિન્દુ સંગઠનોના લોકો મોટી સંખ્યામાં વિરોધ કરી રહ્યા છે. કહેવામાં આવી રહ્યું છે કે બેરિકેડ હટાવીને પ્રદર્શનકારીઓ મસ્જિદ તરફ આગળ વધી રહ્યા છે.
#WATCH | Shimla Protests | Himachal Pradesh: Police use water cannons against the protestors to disperse them while they are on their way to the alleged illegal construction of a mosque in the Sanjauli area pic.twitter.com/tmDXReNG4A
— ANI (@ANI) September 11, 2024
આ દરમિયાન હિમાચલના મુખ્યમંત્રી સુખવિંદર સિંહ સુખુના મીડિયા સલાહકાર નરેશ ચૌહાણનું નિવેદન સામે આવ્યું છે. તેમણે કહ્યું છે કે આ ગેરકાયદે બાંધકામનો મુદ્દો છે, તેને મસ્જિદ વિવાદ સાથે ન જોડવો જોઈએ. તમને જણાવી દઈએ કે હિન્દુ સંગઠનો માંગ કરી રહ્યા છે કે મસ્જિદના ગેરકાયદે બાંધકામને તોડી પાડવામાં આવે. ગઈકાલે માલ્યાણામાં બે સમુદાયો વચ્ચે થયેલી લડાઈ બાદ આ મામલો ફાટી નીકળ્યો હતો.
#WATCH | Shimla Protests | Himachal Pradesh: Police lathi-charge the protestors in order to disperse them while they are on their way to the alleged illegal construction of a mosque in the Sanjauli area pic.twitter.com/u6MZxlpYdu
— ANI (@ANI) September 11, 2024
તમને જણાવી દઈએ કે હિમાચલ પ્રદેશની રાજનીતિમાં પણ આ મુદ્દાનો દબદબો છે. હાલમાં જ હિમાચલ પ્રદેશના ગ્રામીણ વિકાસ અને પંચાયતી રાજ મંત્રી અનિરુદ્ધ સિંહે મસ્જિદના નિર્માણ મુદ્દે વિધાનસભામાં આકરી ટીપ્પણી કરી હતી. તેણે કહ્યું હતું કે, ‘સંજૌલી માર્કેટમાં મહિલાઓ માટે ચાલવું મુશ્કેલ બની ગયું છે. ચોરીઓ થઈ રહી છે, લવ જેહાદ જેવી ઘટનાઓ બની રહી છે, જે રાજ્ય અને દેશ માટે ખતરનાક છે. મસ્જિદ ગેરકાયદેસર રીતે બનાવવામાં આવી છે. પહેલા એક માળ બાંધવામાં આવ્યો, પછી બાકીના માળ પરવાનગી વગર બનાવવામાં આવ્યા. 5 માળની મસ્જિદ બનાવવામાં આવી છે. પ્રશાસનને સવાલ એ છે કે મસ્જિદના ગેરકાયદે બાંધકામ માટે વીજળી અને પાણી કેમ ન કાપવામાં આવ્યા?
આ પણ વાંચો : Rahul Gandhi : પાકિસ્તાન અંગે અમેરિકામાં રાહુલ ગાંધીએ કહ્યું, ‘આતંકવાદને પ્રોત્સાહન આપવું બિલકુલ સ્વીકાર્ય નથી’
