Salman Khan Threat:બોલિવૂડ એક્ટર સલમાન ખાનને ( Salman Khan) ફરી એકવાર ધમકી મળી છે. આ વખતે મુંબઈ ટ્રાફિક પોલીસને (Mumbai Traffic Police) મોકલવામાં આવેલા મેસેજમાં ધમકી આપવામાં આવી છે. મેસેજરે પોતાને લોરેન્સ બિશ્નોઈ ગેંગનો (Lawrence Bishnoi gang) નજીકનો ગણાવ્યો છે. માહિતી અનુસાર, મેસેજમાં દાવો કરવામાં આવ્યો છે કે તે લોરેન્સ બિશ્નોઈ ગેંગનો સભ્ય છે અને ચેતવણી આપે છે કે જો પૈસા નહીં આપવામાં આવે તો સલમાન ખાનનું કિસ્મત પૂર્વ ધારાસભ્ય બાબા સિદ્દીકી કરતા પણ ખરાબ થશે. જેમની તાજેતરમાં હત્યા કરવામાં આવી હતી.
સલમાન ખાનને ફરી લોરેન્સ બિશ્નોઈ ગેંગના નામે મળી ધમકી
પ્રાપ્ત પ્રાથમિક માહિતી અનુસાર, લોરેન્સ બિશ્નોઈ ગેંગ નામનો ઉપયોગ કરીને કોઈ વ્યક્તિ તરફથી વોટ્સએપ પર મુંબઈ પોલીસના ટ્રાફિક વિભાગને ધમકી મોકલવામાં આવી છે જેમાં લખવામાં આવ્યું છે કે, તેના સંદેશને હળવાશથી ન લો. જો સલમાન ખાને જીવિત રહેવું હોય અને લોરેન્સ બિશ્નોઈ સાથેની દુશ્મની ખતમ કરવી હોય તો તેણે 5 કરોડ રૂપિયા ચૂકવવા પડશે. જો પૈસા નહીં આપવામાં આવે તો સલમાન ખાનનું કિસ્મત બાબા સિદ્દીકી કરતા પણ ખરાબ થશે.
મુંબઈ પોલીસે શરૂ કરી તપાસ
હાલ પોલીસ આ મેસેજના સ્ત્રોતની તપાસ કરી રહી છે. આ મામલાને ગંભીરતાથી લઈને મુંબઈ પોલીસે તપાસ શરૂ કરી છે. સલમાન ખાનને આ આશીર્વાદ એવા સમયે મળ્યો છે જ્યારે દશેરાના દિવસે તેના નજીકના મિત્ર અને દિગ્ગજ એનસીપી નેતા બાબા સિદ્દીકીની ગોળી મારીને હત્યા કરવામાં આવી હતી. આ હત્યાની જવાબદારી લોરેન્સ બિશ્નોઈ ગેંગે લીધી હતી.
ક્રાઈમ બ્રાન્ચને માહિતી આપવામાં આવી
આ મામલામાં મુંબઈ પોલીસનું કહેવું છે કે આરોપીઓની વહેલી તકે ધરપકડ કરવામાં આવશે. આ અંગે ક્રાઈમ બ્રાંચની ટીમને પણ જાણ કરવામાં આવી છે. ધમકી આપનાર વ્યક્તિની ઓળખ કરવામાં આવી રહી છે. હાલ પોલીસ આ મામલે તપાસ કરી રહી છે.
આ પણ વાંચો : Vadodara:સાવકા પિતાએ દીકરી પર આચર્યું દુષ્કર્મ, પોલીસે બદનામી થશે તેમ કહી ન લીધી ફરિયાદ !
