Rajkot : ગુજરાતમાં આજથી 6 મહિના પહેલા એક કરુણ ઘટના બની હતી. અમદાવાદમાં થયેલ પ્લેન ક્રેશમાં રાજ્યના પૂર્વ મુખ્યમંત્રી અને ભાજપના પીઢ નેતા વિજયભાઈ રૂપાણીનું પણ નિધન થયું હતું. આજે વિજયભાઈ રૂપાણીના નિધનને 6 મહિના પૂર્ણ થઇ ગયા છે. અને આ જ કારણે ભાજપ પ્રદેશ અધ્યક્ષ જગદીશ વિશ્વકર્મા સહિતના દિગ્ગજ નેતાઓ આજે સ્વ. વિજયભાઈ રૂપાણીના ઘરે પહોંચ્યા હતા. ભાજપ રાષ્ટ્રીય સંગઠન મહામંત્રી બી.એલ. સંતોષ, ગુજરાત પ્રદેશ પ્રમુખ જગદીશ વિશ્વકર્મા, ગુજરાત પ્રદેશ સંગઠન મહામંત્રી રત્નાકર, પ્રદેશ મહામંત્રી વિનોદ ચાવડા, શહેર ભાજપ પ્રમુખ માધવ દવે સ્વ.વિજયભાઈના નિવાસસ્થાને પહોંચ્યા હતા. જ્યાં અંજલિબેન રૂપાણી, તેમના પુત્ર ઋષભ રૂપાણી અને મેહુલભાઈ રૂપાણી સાથે નેતાઓએ મુલાકાત કરી હતી. અંજલીબેન રૂપાણીએ કહ્યું કે, “સાહેબની વિદાયને આજે છ મહિના થયા, તેથી પરિવારની મુલાકાતે આવ્યા.”