Delhi: રવિવારે દિલ્હી (Delhi) એનસીઆરના ઘણા ભાગોમાં ભારે પવન સાથે વરસાદ પડ્યો. જેથી લોકોને ભેજથી રાહત આપી. નોઈડામાં જોરદાર વાવાઝોડા સાથે વરસાદ નોંધાયો છે. દિલ્હી (Delhi)ના કેટલાક વિસ્તારોમાં પણ ભારે પવન સાથે વરસાદ પડ્યો હતો. દિલ્હી (Delhi) પબ્લિક વર્કસ ડિપાર્ટમેન્ટે કહ્યું કે તેને દક્ષિણ, મધ્ય અને રોહિણી વિસ્તારોમાંથી પાણી ભરાઈ જવાની અને વૃક્ષો પડી જવાની પાંચ ફરિયાદો મળી છે. હવામાન વિભાગના જણાવ્યા અનુસાર દિલ્હી (Delhi) એનસીઆરના વિસ્તારોમાં ફરી એકવાર ભારે વરસાદ પડી રહ્યો છે.
IMD અનુસાર, આગામી 2 દિવસ દરમિયાન દિલ્હી (Delhi)માં ભારે વરસાદ નહીં થાય, પરંતુ આ પછી 6 ઓગસ્ટથી જ્યારે હવામાન બદલાશે ત્યારે ભારે વરસાદ જોવા મળશે. IMDનું કહેવું છે કે દિલ્હી (Delhi)માં 6 થી 8 ઓગસ્ટ સુધી હવામાન ખરાબ રહેશે. IMD એ આગાહી કરી છે કે આ સમયગાળા દરમિયાન હળવાથી મધ્યમ વરસાદ પડશે. આ અંગે હવામાન વિભાગે યલો એલર્ટ પણ જાહેર કર્યું છે.
રવિવારે દિલ્હી (Delhi)માં મહત્તમ તાપમાન 36 ડિગ્રી સેલ્સિયસ નોંધાયું હતું. આ સામાન્ય કરતાં 1.8 ડિગ્રી સેલ્સિયસ વધુ છે. રાષ્ટ્રીય રાજધાનીમાં લઘુત્તમ તાપમાન 27.4 ડિગ્રી સેલ્સિયસ નોંધાયું હતું, જે સિઝનની સરેરાશ કરતાં એક ડિગ્રી વધારે છે. IMD અનુસાર, 6 થી 8 ઓગસ્ટ દરમિયાન દિલ્હી (Delhi) તેમજ NCR શહેરોમાં ભારે વરસાદી વાતાવરણ રહેશે. દિલ્હી (Delhi) સહિત NCRના વિવિધ શહેરોમાં હળવોથી મધ્યમ વરસાદ પડશે. IMDએ આ અંગે યલો એલર્ટ જાહેર કર્યું છે. આ સમયગાળા દરમિયાન જોરદાર પવન પણ ફૂંકાશે.
જો કે 6 ઓગસ્ટ પહેલા લોકોને ભેજવાળી ગરમીનો સામનો કરવો પડી શકે છે. તાજેતરના દિવસોમાં દિલ્હી (Delhi) એનસીઆરના શહેરોમાં ભારે વરસાદ જોવા મળ્યો હતો. જેના કારણે દિલ્હી (Delhi)ના અનેક વિસ્તારોમાં પાણી ભરાઈ ગયા હતા. આંકડા દર્શાવે છે કે અત્યાર સુધી જે વરસાદ થયો છે તેમાંથી લગભગ 80 ટકા વરસાદ આ છ દિવસમાં જ પડ્યો છે. 28 જૂને માત્ર 24 કલાકમાં 228.1 મિમી વરસાદ નોંધાયો હતો, જ્યારે 1 ઓગસ્ટે 107.6 મિમી વરસાદ નોંધાયો હતો.
આ પણ વાંચો: Bangladesh Violence: બાંગ્લાદેશમાં ફરી ભડકી હિંસા, અત્યાર સુધી 70ના મોત
