ભારતના પાડોશી દેશોમાં બાંગ્લાદેશ એકમાત્ર એવો દેશ છે જ્યાં અર્થવ્યવસ્થા સતત આગળ વધી રહી છે. જમાત-એ-ઈસ્લામી બાંગ્લાદેશ એક રાજકીય પક્ષ છે, જેને ત્યાં કટ્ટરવાદી સંગઠન માનવામાં આવે છે. તેને ભારત વિરોધી માનવામાં આવે છે અને તેણે પાકિસ્તાનની ગુપ્તચર સંસ્થા ISI પાસેથી મદદ લીધી હોવાનો દાવો કરવામાં આવ્યો છે. બાંગ્લાદેશ બાબતોના નિષ્ણાતોનું કહેવું છે કે ચીન અને પાકિસ્તાન લાંબા સમયથી Bangladesh માં પોતાની સ્થિતિ મજબૂત કરવાનો પ્રયાસ કરી રહ્યા છે.

‘પાકિસ્તાન તરફથી ઘણી ટ્રેનિંગ અપાઈ હતી’

મળતી માહિતી અનુસાર નિષ્ણાતે કહ્યું કે જમાત-એ-ઈસ્લામી અને અન્ય ઘણા આતંકવાદી સંગઠનો આવી પ્રવૃત્તિઓ કરવામાં નિષ્ણાત છે. તેને પાકિસ્તાન દ્વારા ઘણી તાલીમ આપવામાં આવી છે. તેને ત્યાંથી ટ્રેનિંગ આપવામાં આવી છે. ત્યારે આપણે બધા જાણીએ છીએ કે આ એક ષડયંત્ર છે જે પાકિસ્તાન અને ચીન દ્વારા રચવામાં આવી રહ્યું છે.

તેમણે વધુમાં કહ્યું કે, આ દેશો બાંગ્લાદેશમાં વર્ચસ્વ બનવા માટે લાંબા સમયથી પ્રયાસ કરી રહ્યા હતા. ત્યાં પાકિસ્તાન અને ચીનના સમર્થનવાળી સરકારની રચના થવી જોઈએ. ચીન જ્યાં જાય છે ત્યાં પાકિસ્તાનને સાથે લાવે છે. ઘણા સમયથી ત્યાં આવું ચાલતું હતું.

આર્મી જાણીજોઈને માર્શલ લો લાદી રહી નથી

બીજી વાત એ છે કે જમાત જેવા મોટા ભાગના સંગઠનો લઘુમતીઓ વિરુદ્ધ છે. આવી સ્થિતિમાં, ત્યાંથી મોટી સંખ્યામાં સ્થળાંતર થઈ શકે છે. જો સેના ત્યાં તાત્કાલિક કાર્યવાહી નહીં કરે તો સ્થિતિ વધુ વણસી શકે છે.

તેમણે કહ્યું કે બાંગ્લાદેશી સેનાએ દેશમાં સત્તા સંભાળી લીધી છે, પરંતુ રસ્તાઓ પર તેમની હાજરી દેખાતી નથી. માર્શલ લો પણ લાદવામાં આવ્યો નથી. તેઓ માત્ર વાતો કરી રહ્યા છે. શક્ય છે કે તેઓ જાણીજોઈને આ બાબતોમાં વિલંબ કરી રહ્યા હોય. મને લાગે છે કે તેઓ કોઈ સામાન્ય માણસને સરકાર સોંપવાના મૂડમાં નથી. તેઓ પરિસ્થિતિ વણસે અને પછી સંપૂર્ણ નિયંત્રણ મેળવવા માટે લશ્કરી કાયદો લાદવાની રાહ જોઈ રહ્યા છે.

આ પણ વાંચો: શું રાજકારણમાં પરત આવશે Sheikh Hasina ? દીકરાએ કર્યો દાવો