PM મોદીએ ભૂસ્ખલન પ્રભાવિત વિસ્તારની લીધી મુલાકાત

વડાપ્રધાન મોદી આજે કેરળની મુલાકાતે છે. અહીં વાયનાડમાં  ભૂસ્ખલન પ્રભાવિત વિસ્તારની મુલાકાત લીધી હતી અને પરિસ્થિતિની સમીક્ષા કરી હતી.  વડાપ્રધાન મોદી શનિવારે સવારે સ્પેશિયલ ફ્લાઈટ દ્વારા કુન્નુર પહોંચ્યા હતા, જ્યાં પિનરાઈ વિજયને તેમનું સ્વાગત કર્યું હતું. વડા પ્રધાને મુખ્ય પ્રધાન પાસેથી પરિસ્થિતિની સમીક્ષા કરી હતી અને ખાતરી આપી હતી કે ,રાજ્યને શક્ય તમામ મદદ પૂરી પાડવામાં આવશે.

#WATCH | Kerala: Prime Minister Narendra Modi visits the landslide-affected area in Wayanad. He is being briefed about the evacuation efforts.

Governor Arif Mohammed Khan and Union Minister Suresh Gopi are also present.

(Source: DD News) pic.twitter.com/rANSwzCcVz

— ANI (@ANI) August 10, 2024

હેલિકોપ્ટરથી અસરગ્રસ્ત વિસ્તારનું નિરીક્ષણ કર્યું

વડાપ્રધાન નરેન્દ્ર મોદી શનિવારે સવારે 11 વાગ્યે સેનાના હેલિકોપ્ટરમાં વાયનાડ પહોંચ્યા હતા. તેમણે સૌપ્રથમ ભૂસ્ખલનગ્રસ્ત વિસ્તારો ચૂરમાલા, મુંડક્કાઈ અને પુંચીરીમટ્ટમ ગામનો હવાઈ સર્વે કર્યો હતો. વડા પ્રધાનનું હેલિકોપ્ટર કાલપેટ્ટાની એક શાળામાં ઉતર્યું હતું જ્યાંથી તેઓ ભૂસ્ખલનગ્રસ્ત વિસ્તાર તરફ માર્ગ દ્વારા આગળ વધ્યા હતા.

Kerala | PM Narendra Modi undertook an aerial survey in Wayanad before physically visiting the location of the disaster.

In the aerial survey, he saw the origin of the landslide, which is in the origin of Iruvazhinji Puzha (River). He also observed the worst affected areas of… pic.twitter.com/bGGSbIbbZ6

— ANI (@ANI) August 10, 2024

ભૂસ્ખલનમાં મૃત્યુઆંક 413 પર પહોંચી ગયો

તમને જણાવી દઈએ કે, વાયનાડ ભૂસ્ખલનમાં મૃત્યુઆંક 413 પર પહોંચી ગયો છે. 150 થી વધુ લોકો હજુ પણ ગુમ છે. સેના અને એનડીઆરએફની ટીમ કાટમાળ નીચે અને અન્ય સંભવિત સ્થળોએ ગુમ થયેલા લોકોને શોધી રહી છે.

પીએમ મોદીની મુલાકાતને લઈને રાહુલ ગાંધીએ શું કહ્યું ?

વાયનાડની ઘટનાને રાષ્ટ્રીય આફત જાહેર કરવાની માંગ કરનારા વિપક્ષના નેતા રાહુલ ગાંધીએ કહ્યું છે કે, વાયનાડની ઘટના સામાન્ય નથી. વડાપ્રધાન મોદી શનિવારે કેરળની મુલાકાતે છે ત્યારે મને ખાતરી છે કે તેઓ ત્યાંની પરિસ્થિતિ જોઈને ચોક્કસ રાષ્ટ્રીય આફત જાહેર કરશે. વાયનાડની ઘટનાને રાષ્ટ્રીય આફત જાહેર કરવાની માંગણી કરતા રાજકીય વર્તુળોમાં હોબાળો મચી ગયો છે.

PM Modi undertakes aerial survey of landslide-affected areas in Wayanad

Read @ANI story | https://t.co/nbovWe42dg#PMModi #WayanadLandslide #pinarayivijayan #kerala pic.twitter.com/WmXsBd3AoD

— ANI Digital (@ani_digital) August 10, 2024

કેરળમાં વરસાદની ચેતવણી

કેરળમાં વરસાદ ફરી એક મોટો ખતરો ઉભો કરી શકે છે. હવામાન વિભાગે આગામી ત્રણ દિવસ સુધી અહીં ભારે વરસાદની ચેતવણી જારી કરી છે. હવામાન વિભાગની ચેતવણીને પગલે પાંચ જિલ્લામાં યલો એલર્ટ જાહેર કરવામાં આવ્યું છે. ખરાબ હવામાનને કારણે લોકોને ઘરની અંદર રહેવાની પણ સલાહ આપવામાં આવી છે.

આ પણ વાંચો : “જેલના તાળા ટૂટશે અને કેજરીવાલ છૂટશે….” Manish Sisodia ના ભાજપ પર આકરા પ્રહારો