મુમતાઝ ઝહરાએ પત્રકાર પરિષદમાં જણાવ્યું હતું કે Junagadh અંગે પાકિસ્તાનનું નીતિવિષયક નિવેદન હંમેશા સ્પષ્ટ રહ્યું છે. તેમણે કહ્યું, “જૂનાગઢને પાકિસ્તાનમાં ભેળવી દેવામાં આવ્યું હતું. પાકિસ્તાન આ મામલાને ઐતિહાસિક અને કાયદાકીય દ્રષ્ટિકોણથી જુએ છે. જૂનાગઢ પાકિસ્તાનનો ભાગ હતો અને તેના પર ભારતનો ગેરકાયદેસર કબજો યુએન ચાર્ટર અને આંતરરાષ્ટ્રીય ધોરણોનું ઉલ્લંઘન છે.”

મુમતાઝે વધુમાં જણાવ્યું હતું કે, પાકિસ્તાન હંમેશા Junagadhના મુદ્દાને રાજકીય અને રાજદ્વારી મંચ પર ઉઠાવતું આવ્યું છે. તે આનો શાંતિપૂર્ણ ઉકેલ ઈચ્છે છે. તેમણે વધુમાં કહ્યું કે, “પાકિસ્તાન જૂનાગઢના મુદ્દાને જમ્મુ-કાશ્મીરની જેમ અધૂરો એજન્ડા માને છે.” આ પ્રેસ કોન્ફરન્સમાં મુમતાઝે બાંગ્લાદેશ પર પણ નિવેદન આપ્યું હતું અને બાંગ્લાદેશ સાથે પાકિસ્તાનના મજબૂત સંબંધો વિકસાવવા પર ભાર મૂક્યો હતો અને કહ્યું હતું કે આ બંને સરકારોના સહયોગથી વધુ સારું રહેશે.

પાકિસ્તાને તેના નકશામાં જૂનાગઢ દર્શાવ્યું

તમને જણાવી દઈએ કે જૂનાગઢને લઈને પાકિસ્તાન પહેલા પણ ભૂલો કરી ચુક્યું છે. વર્ષ 2020માં પાકિસ્તાનના તત્કાલિન વડાપ્રધાન ઈમરાન ખાને નવો રાજકીય નકશો જાહેર કર્યો હતો, જે બાદ ભારતે જડબાતોડ જવાબ આપ્યો હતો. જ્યારે પાકિસ્તાને જમ્મુ અને કાશ્મીર અને લદ્દાખના વિસ્તારોને પોતાનો હોવાનો દાવો કર્યો હતો, ત્યારે તેણે જૂનાગઢનો પણ સમાવેશ કર્યો હતો. આ પછી ભારતીય વિદેશ મંત્રાલયે એક સત્તાવાર નિવેદનમાં કહ્યું હતું કે અમે પાકિસ્તાનનો કહેવાતો રાજકીય નકશો જોયો છે જે વડાપ્રધાન ઈમરાન ખાને જાહેર કર્યો છે. આ એક રાજકીય મૂર્ખતાની કવાયત છે, જે ભારતના ગુજરાત રાજ્યના પ્રદેશો અને આપણા કેન્દ્રશાસિત પ્રદેશો જમ્મુ અને કાશ્મીર અને લદ્દાખ પર બિનસત્તાવાર દાવા કરે છે. આ હાસ્યાસ્પદ દાવાઓની ન તો કાનૂની માન્યતા છે કે ન તો આંતરરાષ્ટ્રીય વિશ્વસનીયતા.

  આ પણ વાંચો: બાંગ્લાદેશમાં હત્યાના આરોપી પાછા ફરે… Sheikh Hasinaનું નામ લીધા વગર મોહમ્મદ યુનુસે ઈશારામાં કહી આવી વાત!