Oscar 2025 : ઓસ્કાર 2025 માટે ભારતની સત્તાવાર એન્ટ્રીની જાહેરાત કરવામાં આવી છે. કિરણ રાવ દ્વારા નિર્દેશિત ‘લાપતા લેડીઝ’ 97માં એકેડેમી એવોર્ડ્સમાં ભારતનું પ્રતિનિધિત્વ કરશે. તેને બેસ્ટ ફોરેન ફિલ્મ કેટેગરીમાં નોમિનેટ કરવામાં આવી છે. ધ ફિલ્મ ફેડરેશન ઓફ ઈન્ડિયાના સભ્યોએ એકેડેમી એવોર્ડ્સમાં ભારતના સત્તાવાર પ્રવેશની જાહેરાત કરી છે. આમિર ખાન પ્રોડક્શનમાં બનેલી આ ફિલ્મમાં પ્રતિભા રાંતા, સ્પર્શ શ્રીવાસ્તવ અને નિતાંશી ગોયલ મુખ્ય કલાકારો હતા. આ ફિલ્મમાં રવિ કિશન અને છાયા કદમે મહત્વની ભૂમિકા ભજવી છે.
‘Laapataa Ladies’ is India’s official entry to the Oscars in the Best Foreign Film Category 2025. pic.twitter.com/2gjzgzsDDJ
— ANI (@ANI) September 23, 2024
29 ફિલ્મો પાછળ છોડી
હિન્દી ફિલ્મ ‘લાપતા લેડીઝ’, જે પિતૃસત્તા પર હળવા દિલથી વ્યંગ કરતી હતી, તેને 29 ફિલ્મોની યાદીમાંથી પસંદ કરવામાં આવી હતી, જેમાં બોલિવૂડની હિટ ‘એનિમલ’, મલયાલમ નેશનલ એવોર્ડ વિજેતા ‘આત્તમ’ અને કાન્સની વિજેતા ‘ઓલ વી ઇમેજિન ઇઝ લાઇટ’નો પણ સમાવેશ થાય છે. ‘ આસામી દિગ્દર્શક જાહનુ બરુઆના દિગ્દર્શન હેઠળની 13 સભ્યોની પસંદગી સમિતિએ સર્વસંમતિથી આમિર ખાન અને કિરણ રાવ દ્વારા નિર્મિત ‘લાપતા લેડીઝ’ને એકેડેમી એવોર્ડ્સમાં શ્રેષ્ઠ આંતરરાષ્ટ્રીય ફિલ્મ શ્રેણીમાં સામેલ કરવાનો નિર્ણય લીધો હતો. આ ફિલ્મે તમિલ ફિલ્મ ‘મહારાજા’, તેલુગુ ફિલ્મ ‘કલ્કી 2898 એડી’ અને ‘હનુ-માન’ને પણ પાછળ છોડી દીધી છે. તમને જણાવી દઈએ કે, ‘સ્વાતંત્ર્ય વીર સાવરકર’ અને ‘આર્ટિકલ 370’ પણ 29 ફિલ્મોની યાદીમાં સામેલ હતી.
આ ફિલ્મ ગયા વર્ષે રિલીઝ થઈ હતી
તમને જણાવી દઈએ કે, ગયા વર્ષે મલયાલમ સુપરહિટ ‘2018: એવરીવન ઈઝ અ હીરો’ ઓસ્કારમાં ભારતની સત્તાવાર એન્ટ્રી બની હતી. હાલમાં આ ફિલ્મને ખાસ સફળતા મળી નથી.
આ પણ વાંચો : Delhi CM : આતિશીએ અનોખી રીતે CM પદનો ચાર્જ સંભાળ્યો, મુખ્યમંત્રીની ખુરશીની બાજુમાં રાખી ખાલી ખુરશી
