ઈઝરાયેલથી 212 ભારતીયો સ્વદેશ પહોંચ્યા

હમાસના આતંકવાદીઓ દ્વારા ઈઝરાયેલ પર હુમલા બાદ બંને વચ્ચે યુદ્ધ ચાલુ છે. આ કારણોસર, ઇઝરાયેલે હજારો વિદેશીઓને ત્યાં ફસાયા છે જેમને બહાર કાઢવામાં આવી રહ્યા છે. દરમિયાન, ત્યાં ફસાયેલા ભારતીયોને બચાવવા માટે ભારત સરકારે ઓપરેશન અજય શરૂ કર્યું છે.  જે અંતર્ગત ઇઝરાયેલથી વિદ્યાર્થીઓ સહિત 212  ભારતીયોની પ્રથમ ફ્લાઈટ શુક્રવારે વહેલી સવારે દિલ્હી પહોંચી હતી.  હમાસના આતંકવાદીઓ દ્વારા ઇઝરાયેલ પરના હુમલા બાદ ત્યાં તણાવ ફેલાઇ ગયો છે.

દિલ્હી એરપોર્ટ પર કરાયું સ્વાગત

દિલ્હી એરપોર્ટ પર કેન્દ્રીય મંત્રી રાજીવ ચંદ્રશેખરે મુસાફરોનું સ્વાગત કર્યું. તેણે દરેકને હાથ જોડીને અભિવાદન કર્યું અને તેમાંથી કેટલાક સાથે હાથ મિલાવ્યા અને તેમનું સ્વાગત કર્યું હતું.

લોકોએ ભારત સરકારનો માન્યો આભાર

2019થી ઈઝરાયેલમાં રહેતા સંશોધક શાશ્વત સિંહ પોતાની પત્ની સાથે દિલ્હી પહોંચ્યા હતા. તેણે કહ્યું કે ‘હવાઈ હુમલાની માહિતી આપતી સાયરનનો અવાજ સાંભળીને અમે જાગી ગયા. અમે મધ્ય ઇઝરાયેલમાં રહીએ છીએ. મને ખબર નથી કે આ સંઘર્ષ શું સ્વરૂપ લેશે…હું ત્યાં કૃષિ ક્ષેત્રમાં સંશોધન કરી રહ્યો છું, ‘ભારતીયને સુરક્ષિત રીતે બહાર કાઢવું ​​એ પ્રશંસનીય પગલું છે. અમને આશા છે કે શાંતિ પુનઃસ્થાપિત થશે અને અમે કામ પર પાછા ફરીશું. ભારત સરકાર ઈમેલ દ્વારા અમારા સંપર્કમાં હતી. અમે વડાપ્રધાન નરેન્દ્ર મોદી અને ઈઝરાયેલમાં ભારતીય દૂતાવાસના આભારી છીએ.

#OperationAjay gets underway.

212 citizens onboard the flight are enroute New Delhi. pic.twitter.com/fGSAYiXbBA

— Dr. S. Jaishankar (@DrSJaishankar) October 12, 2023

આટલા ભારતીયો ઇઝરાયેલમાં રહે છે

વિદેશ મંત્રાલયના પ્રવક્તાએ જણાવ્યું હતું કે હાલમાં લગભગ 18 હજાર ભારતીયો ઇઝરાયેલમાં, લગભગ એક ડઝન પશ્ચિમ કાંઠે અને ત્રણથી ચાર ગાઝામાં રહે છે.

સુરક્ષા માટે લગાવ્યા હતા કેમ્પ

ભારતીય જૂથનો એક ભાગ છે જે વિશેષ ફ્લાઇટ દ્વારા દિલ્હી પહોંચ્યો હતો. તેણે કહ્યું, ‘અમે કામચલાઉ કેમ્પમાં હતા. ઇઝરાયેલ સરકારે દરેક જગ્યાએ કેમ્પ લગાવ્યા હતા, તેથી અમે સુરક્ષિત હતા.