Omar Abdullah Oath Taking Ceremony:10 વર્ષ બાદ જમ્મુ કાશ્મીરને મળ્યા નવા મુખ્યમંત્રી, ઓમર અબ્દુલ્લાએ CM તરીકે લીધા શપથ

October 16, 2024

Omar Abdullah Oath Taking Ceremony: કલમ 370 હટાવ્યા બાદ ઓમર અબ્દુલ્લાએ (Omar Abdullah) આજે ​​કેન્દ્રશાસિત પ્રદેશ જમ્મુ અને કાશ્મીરના (Jammu and Kashmir) મુખ્યમંત્રી તરીકે શપથ લીધા હતા. આ ઉપરાંત સુરેન્દ્ર ચૌધરીએ જમ્મુ-કાશ્મીરના ડેપ્યુટી સીએમ તરીકે શપથ લીધા છે. લેફ્ટનન્ટ ગવર્નર મનોજ સિન્હાએ શ્રીનગરમાં શેર-એ-કાશ્મીર ઇન્ટરનેશનલ કન્વેન્શન સેન્ટર ખાતે ઓમર અને તેમના મંત્રીઓને પદ અને ગુપ્તતાના શપથ લેવડાવ્યા હતા.

ઓમર અબ્દુલ્લા જમ્મુ-કાશ્મીરના મુખ્યમંત્રી બન્યા

નેશનલ કોન્ફરન્સના ઉપાધ્યક્ષ ઓમર અબ્દુલ્લા પ્રથમ વખત કેન્દ્રશાસિત પ્રદેશ અને બીજી વખત જમ્મુ-કાશ્મીરના મુખ્યમંત્રી બન્યા છે. આ શપથ ગ્રહણ સમારોહ શેર-એ-કાશ્મીર ઇન્ટરનેશનલ કન્વેન્શન સેન્ટર (SKICC) ખાતે યોજાયો હતો. જમ્મુ-કાશ્મીરના લેફ્ટનન્ટ ગવર્નર મનોજ સિન્હાએ સવારે 11.30 વાગ્યે અબ્દુલ્લાને શપથ લેવડાવ્યા હતા.આ અવસર પર નેશનલ કોન્ફરન્સએ તાકાતનું પ્રદર્શન કર્યું. આ કાર્યક્રમમાં કોંગ્રેસના નેતા રાહુલ ગાંધી અને પ્રિયંકા ગાંધી, એનસીપીના શરદ જૂથમાંથી સુપ્રિયા સુલે, પીડીપી પ્રમુખ મહેબૂબા મુફ્તી, સીપીઆઈના ડી રાજા અને સમાજવાદી પાર્ટીના અધ્યક્ષ અખિલેશ યાદવ પણ શપથ ગ્રહણ સમારોહમાં હાજર રહ્યા હતા.

નેશનલ કોન્ફરન્સ અને કોંગ્રેસ વચ્ચે મંત્રી પદને લઈને મતભેદ

તમને જણાવી દઈએ કે જમ્મુ અને કાશ્મીરમાં 90 સીટો પર વિધાનસભાની ચૂંટણી થઈ છે. અહીં બહુમતનો આંકડો 46 છે. નેશનલ કોન્ફરન્સ અને કોંગ્રેસે ગઠબંધન કરીને ચૂંટણી લડી હતી. નેશનલ કોન્ફરન્સે 42 સીટો જીતી છે. કોંગ્રેસે 6 બેઠકો જીતી છે. આ રીતે નેશનલ કોન્ફરન્સ-કોંગ્રેસ ગઠબંધન પાસે બહુમતીનો આંકડો છે. નેશનલ કોન્ફરન્સ અને કોંગ્રેસ વચ્ચે મંત્રી પદને લઈનેમતભેદના અહેવાલો છે. બુધવારે કોંગ્રેસના કોઈ ધારાસભ્યે મંત્રી તરીકે શપથ લીધા નથી. એવા અહેવાલો છે કે કોંગ્રેસ સરકારમાં નહીં જોડાય. બહારથી સહયોગ કરશે.

આ પણ વાંચો : વાવ વિધાનસભાની પેટા ચૂંટણીમાં ખેલાશે ત્રિપાંખીયો જંગ, આમ આદમી પાર્ટીના ઉમેદવાર લડશે ચૂંટણી

Read More

Trending Video