કેવી રહી મેચ?

બંને ટીમો વચ્ચે રમાયેલી આ મેચમાં ભારતીય હોકી ટીમે શરૂઆતથી જ ઓસ્ટ્રેલિયા પર પ્રભુત્વ જમાવ્યું હતું. ભારત તરફથી અભિષેકે એક અને હરમનપ્રીત સિંહે બે ગોલ કર્યા હતા જ્યારે ઓસ્ટ્રેલિયા તરફથી થોમસ ક્રેગ અને બ્લેક ગોવર્સે ગોલ કર્યા હતા. આ મેચમાં જીત સાથે ભારતીય હોકી ટીમ પૂલ બીના પોઈન્ટ ટેબલમાં બીજા સ્થાને પહોંચી ગઈ છે. ભારતના હવે 5 મેચમાં 10 પોઈન્ટ છે. જ્યારે ઓસ્ટ્રેલિયાની ટીમ 5 મેચમાં 9 પોઈન્ટ સાથે ત્રીજા સ્થાને છે.

ટીમ ઈન્ડિયા 52 વર્ષ પછી જીતી

ભારતે 52 વર્ષ બાદ ઓલિમ્પિકમાં ઓસ્ટ્રેલિયાને હોકી મેચમાં હરાવ્યું હતું. ટીમ ઈન્ડિયાએ છેલ્લે 1972 ઓલિમ્પિકમાં ઓસ્ટ્રેલિયાને હરાવ્યું હતું. આ સાથે ભારતીય ટીમ સતત બીજા ઓલિમ્પિક મેડલની શોધમાં શાનદાર પ્રદર્શન કરી રહી છે. અત્યાર સુધી તેઓ માત્ર બેલ્જિયમ સામે હાર્યા છે. આ સિવાય તેણે સતત સારું પ્રદર્શન કર્યું છે. ભારતે ઓલિમ્પિકમાં પોતાના અભિયાનની શરૂઆત ન્યૂઝીલેન્ડ સામેની જીત સાથે કરી હતી. તે પછી ભારતે આર્જેન્ટિના સામે ડ્રો રમ્યો અને પછી આયર્લેન્ડને હરાવ્યું. બેલ્જિયમની મેચમાં પણ ભારતીય ટીમે સમગ્ર મેચ દરમિયાન પોતાનો દબદબો જાળવી રાખ્યો હતો, જોકે તેને અંતિમ ક્ષણોમાં મેચ 1-2થી ગુમાવવી પડી હતી.

🇦🇺 Australia 2️⃣-3️⃣ India 🇮🇳

The Indian men’s hockey team register their first win over Australia at the Olympics since Munich 1972! 💥#Paris2024 pic.twitter.com/WTkp6A41Cf

— Olympic Khel (@OlympicKhel) August 2, 2024

પેરિસ ઓલિમ્પિક 2024 માટે ભારતીય હોકી ટીમ

ગોલકીપર : પી આર શ્રીજેશ

ડિફેન્ડર્સ : જરમનપ્રીત સિંહ, અમિત રોહિદાસ, હરમનપ્રીત સિંહ, સુમિત, સંજય

મિડફિલ્ડર્સ : રાજકુમાર પાલ, શમશેર સિંહ, મનપ્રીત સિંહ, હાર્દિક સિંહ, વિવેક સાગર પ્રસાદ

ફોરવર્ડ : અભિષેક, સુખજિત સિંહ, લલિત કુમાર ઉપાધ્યાય, મનદીપ સિંહ, ગુરજંત સિંહ

વૈકલ્પિક ખેલાડીઓ : નીલકાંત શર્મા, જુગરાજ સિંહ, કૃષ્ણ બહાદુર પાઠક

આ પણ વાંચો : Intel LayOffs : દિગ્ગજ ચિપ નિર્માતા કંપની 15,000 કર્મચારીઓની છટણી કરશે, CEOએ આપ્યા આ કારણો