Neeraj chopra : જેવલિન થ્રો સ્ટાર નીરજ ચોપરા ( Neeraj chopra ) ડાયમંડ લીગ(Diamond League)માંગોલ્ડ 1 સેન્ટિમીટરથી ચૂકી ગયો અને તેને સિલ્વર મેડલ(silver medal)થી સંતોષ માનવો પડ્યો. બ્રસેલ્સના કિંગ બાઉડોઈન સ્ટેડિયમમાં રમાયેલી મેચમાં નીરજ ચોપરા ( Neeraj chopra )એ ત્રીજા પ્રયાસમાં 87.87 મીટરના થ્રો સાથે ગ્રેનાડાના એન્ડરસન પીટર્સથી માત્ર એક સેન્ટિમીટર પાછળ રહી ગયા હતા. જર્મનીના જુલિયન વેબર 85.97 મીટર સાથે ત્રીજા સ્થાને રહ્યો.
એન્ડરસનનું શાનદાર પ્રદર્શન
નીરજ ચોપરા ( Neeraj chopra ) ફાઇનલમાં માત્ર એક સેન્ટિમીટરથી ચૂકી ગયો અને ટાઇટલ જીતી શક્યો નહીં. ગ્રેનાડાના એન્ડરસને 87.87 મીટરના થ્રો સાથે ભાલા ફેંકનો ખિતાબ જીત્યો હતો. નીરજે કુલ 6 પ્રયાસો કર્યા, પરંતુ માત્ર 3 વખત 85 મીટર થી વધુ ફેંકવામાં સફળ રહ્યો. જોકે તે પીટર્સથી આગળ નીકળી શક્યો નહોતો. અંતિમ રાઉન્ડમાં નીરજે પોતાનો સર્વશ્રેષ્ઠ થ્રો કર્યો પરંતુ તે પીટર્સથી પાછળ રહી ગયો અને ટાઈટલ જીતવાથી ચુકી ગયો.
એન્ડરસને તેનું પ્રથમ ટાઇટલ જીત્યું
એન્ડરસન પીટર્સે પ્રથમ વખત ડાયમંડનો ખિતાબ જીત્યો હતો. તેણે ગયા મહિને પેરિસમાં યોજાયેલી ઓલિમ્પિક ગેમ્સમાં બ્રોન્ઝ મેડલ જીત્યો હતો. નીરજે આ ઈવેન્ટમાં સિલ્વર મેડલ(silver medal) જીત્યો હતો. જ્યારે પાકિસ્તાનના અરશદ નદીમે ગોલ્ડ જીતીને ઈતિહાસ રચ્યો હતો. પીટર્સ બે વખત વર્લ્ડ ચેમ્પિયનશિપ પણ જીતી ચૂક્યો છે. તેણે વર્ષ 2019 અને 2022માં આ સિદ્ધિ હાંસલ કરી હતી. આ સિવાય તેણે કોમનવેલ્થ ગેમ્સમાં એક સિલ્વર અને એક બ્રોન્ઝ મેડલ જીત્યો હતો. તેણે 93.07 મીટરનો તેની કારકિર્દીનો સર્વશ્રેષ્ઠ થ્રો કર્યો છે.
