મળતી માહિતી મુજબ આ સમગ્ર મામલો પૂણેના યેલાવવાડીમાં આવેલી ગ્લાસ ઈન્ડિયા કંપનીનો છે. અહીં રવિવારે બપોરે 1.30 વાગ્યાના સુમારે કેટલાક કામદારો ટ્રસમાંથી કાચ ભરેલા બોક્સ ઉતારી રહ્યા હતા. આ દરમિયાન અચાનક 4 કાચની પેટીઓ પડી ગઈ હતી. આ બોક્સ ખૂબ ભારે હતા જેના કારણે 6 મજૂરો તેની નીચે દટાયા હતા. ત્યાં હાજર અન્ય કામદારોએ સમગ્ર મામલે ફાયર બ્રિગેડને જાણ કરી હતી. જે બાદ ફાયરના જવાનોએ સ્થળ પર પહોંચીને બચાવ કામગીરી શરૂ કરી હતી.

6 મજૂરો દટાયા

ફાયર વિભાગના કોંધવા સ્ટેશન ઓફિસર સમીર શેખે જણાવ્યું કે, તેમને બપોરે યેવલેવાડી વિસ્તારમાં એક ફેક્ટરીમાં અકસ્માતની માહિતી મળી હતી. તેમની ટીમ તરત જ ત્યાં પહોંચી ગઈ અને બોક્સની નીચેથી લોકોને બચાવવાના પ્રયાસો શરૂ કર્યા. ઘણી મહેનત બાદ બોક્સની નીચેથી 6 મજૂરોને બહાર કાઢવામાં આવ્યા હતા. જેમાંથી 4 બેભાન થઈ ગયા હતા. તમામ કામદારોને તાત્કાલિક નજીકની હોસ્પિટલમાં સારવાર માટે લઈ જવામાં આવ્યા હતા.

4ના મોત, એક ગંભીર

હોસ્પિટલમાં ડોક્ટરે 4 મજૂરોને મૃત જાહેર કર્યા છે. એક મજૂરની હાલત હજુ પણ નાજુક છે. મૃતકોની ઓળખ રામચંદ્ર કુમાર, ધર્મેન્દ્ર સત્યપાલ કુમાર, વિકાસ પ્રસાદ ગૌતમ, અમિત શિવશંકર કુમાર તરીકે થઈ છે. અકસ્માતમાં મોનેસર કોલી અને જગતપાલ સંતરામ કુમાર ઘાયલ થયા છે. યેવલેવાડી વિસ્તારમાં ઘણી કંપનીઓ છે. આમાંની ઘણી કંપનીઓ લાઇસન્સ વિનાની છે.

આ પણ વાંચો: Hezbollah: આખરે નસરાલ્લાહનો મળ્યો મૃતદેહ, શરીર પર નથી કોઈ ઘાના નિશાન