નોટિસમાં કથિત રીતે કહેવામાં આવ્યું છે કે આ જમીન સૈયદ અલી સુલતાન શાહ દરગાહની છે. જે વકફ પ્રોપર્ટી હેઠળ આવે છે. તેમાં એ પણ ઉલ્લેખ કરવામાં આવ્યો છે કે ગ્રામવાસીઓએ વક્ફ બોર્ડ સાથે કરાર કરવો પડશે અને હવે તેઓએ રહેવા માટે દરગાહ મેનેજમેન્ટને ભાડું ચૂકવવું પડશે. જો આમ કરવામાં નહીં આવે તો તેને અતિક્રમણ ગણવામાં આવશે અને જમીન ખાલી કરવાની કાર્યવાહી કરવામાં આવશે.

ચાર પેઢીથી જીવતા ગ્રામજનોમાં ઊંડી ચિંતા

કટ્ટુકોલ્લાઈ ગામના લગભગ 150 પરિવારોએ વેલ્લોર જિલ્લા કલેક્ટર કચેરીને એક મેમોરેન્ડમ સુપરત કર્યું છે અને આ મામલે તાત્કાલિક હસ્તક્ષેપની માંગ કરી છે. ગ્રામજનો કહે છે કે તેઓ ચાર પેઢીથી આ જમીન પર રહે છે અને સંપૂર્ણપણે ખેતી પર નિર્ભર છે. હવે તેઓ અત્યંત નારાજ છે કારણ કે વકફ બોર્ડે અચાનક તેમની જમીન પર દાવો કર્યો છે.

ગ્રામજનોનો એવો પણ દાવો છે કે તેમની પાસે જમીન સંબંધિત તમામ માન્ય સરકારી દસ્તાવેજો છે. તેઓએ આક્ષેપ કર્યો હતો કે હવે તેઓને તેમની આજીવિકા અને જીવન બંને જોખમમાં મૂકીને તેમની જમીન ખાલી કરવા દબાણ કરવામાં આવી રહ્યું છે.

હિન્દુ મુન્નીને સમર્થન, પ્રશાસન પાસે કાર્યવાહીની માંગ

‘હિન્દુ મુન્ની’ નામની સંસ્થાનો પણ ગ્રામજનોને સહયોગ મળી રહ્યો છે. ગ્રામજનોને લઈને કલેક્ટર કચેરીએ પહોંચેલા સંગઠનના આગેવાન મહેશે આ મામલે વહીવટીતંત્ર પાસે તાત્કાલિક પગલાં લેવાની માંગ કરી છે. “ગામના લોકો આ વિસ્તારમાં ઓછામાં ઓછી ચાર પેઢીઓથી રહે છે. તેમની પાસે જમીન સંબંધિત તમામ સરકારી દસ્તાવેજો છે.”

તેમણે કહ્યું કે જે જમીન વકફ મિલકત હોવાનું કહેવાય છે તેનો સર્વે નંબર 330/1 છે. તેમણે વહીવટીતંત્રને ગામના રહેવાસીઓને જમીનના ‘પટ્ટા’ (માલિકીનું પ્રમાણપત્ર) આપવા વિનંતી કરી જેથી તેમની આજીવિકા અને અધિકારોનું રક્ષણ થઈ શકે.

અગાઉ પણ વિવાદ ઉભો થયો છે

વર્ષ 2022ની શરૂઆતમાં તિરુચિરાપલ્લી જિલ્લાના તિરુચેન્દુરાઈ ગામમાં, તમિલનાડુ વક્ફ બોર્ડે પણ લગભગ 480 એકર જમીન પર દાવો કર્યો હતો. જેમાં 1500 વર્ષ જૂનું ચોલ યુગનું મંદિર સામેલ હતું. તે સમયે પણ મામલો ગરમાયો હતો અને રાજ્ય સરકારે દરમિયાનગીરી કરવી પડી હતી.

આ પણ વાંચો:શું Donald Trump માર્શલ લો લાદશે? અમેરિકામાં કેમ ચાલી રહી છે આવી ચર્ચા