Land For Jobs Case: દિલ્હીની (Delhi) રાઉઝ એવન્યુ કોર્ટે (Rouse Avenue Court ) લેન્ડ ફોર જોબ કેસમાં (Land for Job case) તમામ નવ આરોપીઓને 1 લાખ રૂપિયાના બોન્ડ પર જામીન આપ્યા છે. દિલ્હી રાઉઝ એવન્યુ કોર્ટે લાલુ, તેજસ્વી, તેજ પ્રતાપ યાદવ અને અન્ય આરોપીઓને જામીન આપતાં કહ્યું હતું કે તેમની ધરપકડ કર્યા વિના જ ચાર્જશીટ કરવામાં આવી હતી. કોર્ટે દરેક આરોપીને 1 લાખ રૂપિયાના અંગત બોન્ડ પર જામીન આપ્યા છે. કોર્ટે તમામ આરોપીઓને તેમના પાસપોર્ટ સરેન્ડર કરવા કહ્યું છે. પાસપોર્ટ સરેન્ડર કર્યા બાદ લાલુ યાદવ, તેજસ્વી અને તેજ પ્રતાપ બેલ બોન્ડ ભરવા આવ્યા છે.
લેન્ડ ફોર જોબ કેસમાં લાલુ પરિવારને મોટી રાહત
સુનાવણી દરમિયાન જજ વિશાલ ગોગણેની કોર્ટે ટૂંક સમયમાં જ આરોપીને જામીન આપવાનો નિર્ણય કર્યો. આ મામલામાં સુનાવણી માટે લાલુ, તેજસ્વી, તેજ પ્રતાપની સાથે મીસા ભારતી પણ કોર્ટ પહોંચી હતી, પરંતુ ED પહેલા જ મીસા ભારતીને સમન્સ જારી કરી ચૂકી છે અને તેને જામીન મળી ગયા છે.
EDએ તેજ પ્રતાપને આરોપી બનાવ્યા ન હતા
પૂર્વ રેલ મંત્રી લાલુ યાદવ, બિહારના પૂર્વ ઉપમુખ્યમંત્રી તેજસ્વી યાદવ, તેજ પ્રતાપ યાદવ પર લોકોને સરકારી નોકરી આપવાના બદલામાં જમીન લેવાનો આરોપ છે. EDની ચાર્જશીટની નોંધ લેતા કોર્ટે લાલુ યાદવ અને અન્ય નવ લોકોને કોર્ટમાં હાજર થવા માટે સમન્સ જારી કર્યા હતા. જો કે EDએ ચાર્જશીટમાં તેજ પ્રતાપ યાદવને આરોપી બનાવ્યા નથી, પરંતુ કોર્ટે તેજ પ્રતાપ યાદવને સમન્સ જારી કરીને કહ્યું છે કે તેજ પ્રતાપ યાદવ પણ લાલુ યાદવ પરિવારના સભ્ય છે અને મની લોન્ડરિંગમાં તેમની ભૂમિકાને નકારી શકાય નહીં.
ઓફિસનો દુરુપયોગ કરવાનો આરોપ
સંજ્ઞાન લેતી વખતે કોર્ટે કહ્યું હતું કે મોટી સંખ્યામાં જમીન ટ્રાન્સફર થઈ છે. યાદવ પરિવારે પોતાના પદનો દુરુપયોગ કર્યો. કોર્ટે કહ્યું હતું કે જમીન યાદવ પરિવારના નામે ટ્રાન્સફર કરવામાં આવી હતી. લેન્ડ ફોર જોબ કેસમાં કોર્ટ તરફથી તેજ પ્રતાપ યાદવને પ્રથમ વખત સમન્સ જારી કરવામાં આવ્યું છે. 18 સપ્ટેમ્બરે રાઉઝ એવન્યુ કોર્ટે EDની ચાર્જશીટ પર સમન્સ જારી કર્યું હતું. લાલુ યાદવ અગાઉ ઘાસચારા કૌભાંડમાં જેલમાં સમય વિતાવી ચૂક્યા છે.
