ડોક્ટર મર્ડર અને રેપ કેસમાં કલકત્તા હાઈકોર્ટનો મોટો આદેશ

તમને જણાવી દઈએ કે, કોલકાતાની આરજી કર મેડિકલ કોલેજમાં એક મહિલા ડોક્ટર પર દુષ્કર્મ અને હત્યાના મામલામાં દેશભરના તબીબોમાં રોષ જોવા મળી રહ્યો છે, ત્યારે આ ઘટના બાદ ફરી એકવાર પોલીસની બેદરકારી પર સવાલો ઉઠી રહ્યા છે. મહિલા સુરક્ષા, દુષ્કર્મ અને હત્યાના આ કેસમાં ઘણા ખુલાસા થયા છે.

પોસ્ટમોર્ટમ રિપોર્ટમાં શું છે?

આ રિપોર્ટમાં એવું કહેવામાં આવી રહ્યું છે કે પીડિતાની ગળું દબાવીને હત્યા કરવામાં આવી હતી. તે પહેલા તેણી પર દુષ્કર્મ ગુજારવામાં આવ્યું હતું. આરોપીએ તેનું બે વખત ગળું દબાવી દીધું હતું. સવારે 3 થી 5 દરમિયાન તેમનું મૃત્યુ થયું હતું.

પોલીસ કસ્ટડીમાં આરોપી

આ કેસના આરોપીની પણ ધરપકડ કરવામાં આવી છે, જ્યારે પોલીસ સૂત્રોનું કહેવું છે કે આરોપી ગુનેગાર સંજય રોયને દારૂ પીને અશ્લીલ ફિલ્મો જોવાનું વ્યસન હતું. ઘટનાની રાત્રે તે ઘણી વખત હોસ્પિટલની અંદર આવ્યો હતો.આરોપીની પૂછપરછ, સંજોગોવશાત્ પુરાવા અને સીસીટીવી ફૂટેજના આધારે ઘણી સનસનીખેજ બાબતો સામે આવી છે. આ સમગ્ર કેસની પોલીસ પૂછપરછ અને સીસીટીવી ફૂટેજ દ્વારા પ્રકાશમાં આવી છે.

શું હતી સમગ્ર ઘટના ?

આ ઘટના 8-9 ઓગસ્ટની રાત્રે બની હતી, જ્યારે કોલકાતાની ‘આરજી કર મેડિકલ કોલેજ’માંથી તાલીમાર્થી ડૉક્ટરનો મૃતદેહ મળ્યો હતો. આ ડોક્ટરની ઉંમર 31 વર્ષની હતી, જે તે દિવસે અન્ય ત્રણ ડોક્ટરો સાથે નાઈટ ડ્યૂટી પર હતી. જેમાંથી બે ડોકટર ચેસ્ટ મેડીસીન વિભાગના હતા અને એક તાલીમાર્થી હતી. એક કર્મચારી હોસ્પિટલના હાઉસ સ્ટાફમાંથી હતો. તે રાત્રે આ તમામ ડોકટરો અને સ્ટાફે સાથે મળીને રાત્રિભોજન કર્યું હતું.આ પછી, મહિલા ડૉક્ટર રાત્રે લગભગ 2 વાગ્યે હોસ્પિટલના સેમિનાર હોલમાં સૂવા માટે ગઈ હતી. આ પછી સંજય રોય પાછળની બાજુથી સેમિનાર હોલમાં આવ્યો અને પહેલા યુવતીની નિર્દયતાથી હત્યા કરી અને પછી તેના પર દુષ્કર્મ ગુજાર્યું. સૌથી મહત્વની વાત એ છે કે આ આરોપી ન તો હોસ્પિટલનો સ્ટાફ હતો કે ન તો કોઈ દર્દીનો સગો હતો. તે કોલકાતા પોલીસ માટે સ્વયંસેવક તરીકે કામ કરતો હતો.

આ પણ વાંચો :  Bangladesh Crisis : બાંગ્લાદેશના પૂર્વ વડાપ્રધાન શેખ હસીના સામે નોંધાયો હત્યાનો કેસ , FIRમાં અનેક નેતાઓના નામ પણ સામેલ