Kolkata rape murder case: કોલકાતાની મહિલા ડૉક્ટર પર દુષ્કર્મ અને હત્યા કેસની સીબીઆઈની તપાસમાં ચોંકાવનારા ખુલાસા થયા છે. આ કેસમાં એક નવો વીડિયો સામે આવ્યો છે. લગભગ 43 સેકન્ડના આ વીડિયોમાં આરજી કાર મેડિકલ કોલેજ અને હોસ્પિટલનું વર્ણન કરવામાં આવી રહ્યું છે. સોશિયલ મીડિયા પર દાવો કરવામાં આવી રહ્યો છે કે આ વીડિયો 9 ઓગસ્ટની ઘટના પછીનો છે. આ વીડિયોમાં મૃતદેહની આસપાસ લોકોની ભીડ એકઠી થઈ છે.
આ વીડિયો આ મામલામાં પોલીસની કામગીરી પર અનેક સવાલો ઉભા કરી રહ્યો છે. ખરેખર, હત્યાના આ કેસમાં આટલી ભીડ લાશના 50 મીટરની અંદર કેવી રીતે પહોંચી ગઈ? ફોરેન્સિક સાયન્સ નિષ્ણાતોનું માનવું છે કે ભીડને કારણે ઘટના દરમિયાન પુરાવા નષ્ટ થવાનો ભય રહે છે.
સાયબર ક્રાઈમના નિષ્ણાતો તપાસ કરી રહ્યા છે
મીડિયા રિપોર્ટ્સનો દાવો છે કે કથિત વીડિયોમાંના લોકો આરજી કાર હોસ્પિટલ પોલીસ ચોકીના ઈન્ચાર્જ સંજીવ ચટ્ટોપાધ્યાય, વકીલ શાંતનુ ડે, હોસ્પિટલના તત્કાલીન પ્રિન્સિપાલ સંદીપ ઘોષના પીએ પ્રસૂન ચટ્ટોપાધ્યાય અને ફોરેન્સિક ડેમોસ્ટ્રેટર દેવાશિષ સોમ હતા. જો કે હાલમાં તપાસ એજન્સી આ વીડિયો અંગે કોઈ ખુલાસો કરી રહી નથી. જો એજન્સીના સૂત્રોનું માનીએ તો વીડિયોની તપાસ માટે સાયબર ક્રાઈમ નિષ્ણાતોનો સંપર્ક કરવામાં આવ્યો છે.
CBI big disclosure in Kolkata rape case
The crime scene and evidence both were tampered with
The female doctor was not gang-raped Sanjay Rai alone committed the rape and murder.
Medical college principal Sandeep Ghosh interrogated for 77 hours, Sandeep Ghosh's role is suspicious. pic.twitter.com/B9KdbtbmHV— Be political (@be_political123) August 22, 2024
પૂર્વ આચાર્ય સંદિશ ઘોષ પર પુરાવાનો નાશ કરવાનો આરોપ
તમને જણાવી દઈએ કે આ મામલામાં પૂર્વ પ્રિન્સિપાલ સંદિપ ઘોષ પર ક્રાઈમ સીન પરથી પુરાવાનો નાશ કરવાનો આરોપ છે. સીબીઆઈ તેની પૂછપરછ કરી રહી છે. આવી સ્થિતિમાં, મૃતદેહની નજીક તેના પીએ અને અન્ય પરિચિતોની હાજરી તેના પર શંકા પેદા કરે છે. અગાઉ સીબીઆઈ તપાસમાં સામે આવ્યું હતું કે આરોપી સંજય રોય નેક્રોફિલિક વૃત્તિઓ ધરાવે છે. મનોવૈજ્ઞાનિકોના મતે વ્યક્તિને ડેડ બોડી સાથે સંબંધ રાખવાનું વળગણ હોય છે.
આ પણ વાંચો: Kolkata Death Case : IMAનો મોટો નિર્ણય, RG કર મેડિકલ કોલેજના પૂર્વ આચાર્ય સંદીપ ઘોષનું સભ્યપદ સસ્પેન્ડ
