Kathua Terror Attack : જમ્મુના કઠુઆમાં સેનાના વાહન પર આતંકી હુમલા (Kathua Terror Attack)ના સમાચાર સામે આવ્યા છે. આ હુમલામાં બે જવાન ઘાયલ થયા છે. હુમલા બાદ ઘાટીમાં સેના અને આતંકીઓ વચ્ચે અથડામણ ચાલુ છે. સૂત્રોના જણાવ્યા અનુસાર, પહાડી પર છુપાયેલા આતંકવાદીઓએ સેનાના વાહન પર ગોળીબાર (Firing) કર્યો હતો અને સેનાના વાહન પર ગ્રેનેડ પણ ફેંક્યો હતો. સેના અને આતંકીઓ વચ્ચે એન્કાઉન્ટર ચાલુ છે. તમને જણાવી દઈએ કે છેલ્લા કેટલાક દિવસોમાં ઘાટીમાં અશાંતિ વધી છે. આતંકવાદીઓ (Terrorists) સાથે એન્કાઉન્ટરના સમાચાર સતત આવી રહ્યા છે.
રાજૌરીમાં આર્મી કેમ્પ પર આતંકી હુમલો
એક દિવસ પહેલા જ જમ્મુ કાશ્મીરના રાજૌરીમાં ભારતીય સેનાના કેમ્પ પર આતંકી હુમલાનો મામલો સામે આવ્યો હતો. આ હુમલામાં સેનાનો એક જવાન ઘાયલ થયો હતો. આતંકીઓએ આર્મી કેમ્પ પર ગોળીબાર કર્યો હતો. આ દરમિયાન એલર્ટ સુરક્ષા ચોકી પર તૈનાત સૈનિકે પણ આતંકીઓ પર ગોળીબાર કર્યો હતો. આ ઘટના સમયે સેનાનો જવાન ઘાયલ થયો હતો. આતંકીઓ અંધારાનો ફાયદો ઉઠાવીને ભાગી જવામાં સફળ રહ્યા હતા.
કુલગામમાં ગોળીબાર થયો હતો
બીજી તરફ આ હુમલાના થોડા કલાકો બાદ જ ચીનીગામ ગામમાં ગોળીબારની બીજી ઘટના સામે આવી છે. સેનાને લશ્કર જૂથ વિશે ગુપ્ત માહિતી મળી હતી, જેના પછી સુરક્ષા દળો તે વિસ્તારમાં પહોંચ્યા હતા. બંને તરફથી ગોળીબાર થયો હતો. સેનાને કુલગામ વિસ્તારમાં આતંકવાદીઓની હાજરી અંગે ગુપ્ત માહિતી મળી હતી. આ પછી સુરક્ષા દળોએ વિસ્તારમાં સર્ચ ઓપરેશન શરૂ કર્યું હતું. આ દરમિયાન સેનાના જવાનો અને આતંકીઓ વચ્ચે અથડામણ શરૂ થઈ ગઈ હતી.
આ પણ વાંચો : Surat Viral Video : સુરતમાં મકાન માલિકે યુવતી સાથે દાખવી બર્બરતા, ભાડું ન ચુકવતા મારામારી પર ઉતર્યો, વિડીયો થયો વાયરલ
