સ્થાનિક સમય મુજબ સાંજે 5 વાગ્યા સુધીમાં તોફાન શમી ગયું હતું. આ દરમિયાન 162 કિલોમીટર પ્રતિ કલાકની ઝડપે પવન ફૂંકાયો હતો. હવામાન વિભાગે જણાવ્યું હતું કે વાવાઝોડાને કારણે સમગ્ર ક્યૂશુમાં ભારે વરસાદ થયો હતો અને બાદમાં વાવાઝોડું હોન્શુ ટાપુ તરફ આગળ વધ્યું હતું.

મળતી માહિતી અનુસાર વાવાઝોડાને કારણે 5 લોકોના મોત થયા છે. ટોકુશિમામાં એક બે માળની ઈમારત ધરાશાયી થવાના સમાચાર છે. જાપાનના હવામાન વિભાગના જણાવ્યા અનુસાર ભારે વરસાદને કારણે આફતની શક્યતા વધી ગઈ છે. ટાયફૂન શાનશનના આગમન પહેલા જ ગુરુવારે અચીમાં ભૂસ્ખલન થયું હતું જેમાં એક જ પરિવારના ત્રણ લોકોના મોત થયા હતા. આઇચી ક્યૂશુથી 1 હજાર કિલોમીટરના અંતરે આવેલું છે.

My Daughter and son in-law are currently in Tokyo.

Typhoon Shanshan slams Japanese island killing three, leaving one missing, and thousands without power

The storm has caused widespread damage on Kyushu Island, including landslides that have destroyed homes, and an emergency… pic.twitter.com/ye0W0I3nds

— John Metzner (@JohnRMetzner) August 29, 2024

હાઈ એલર્ટ જાહેર કરવામાં આવ્યું

પ્રશાસને જાપાનના (Japan Typhoon) વિવિધ ભાગોમાં હાઈ એલર્ટ જાહેર કર્યું છે. 50 લાખ લોકોને સલામત સ્થળે ખસી જવાની સલાહ આપવામાં આવી છે. જાપાનના હવામાન વિભાગના જણાવ્યા અનુસાર ક્યુશુમાં 80થી વધુ લોકો ઘાયલ થયા છે. સ્થાનિક અહેવાલો અનુસાર, મિયાઝાકીમાં 200 થી વધુ ઇમારતોને નુકસાન થયું છે અને 25 થી વધુ ઘાયલ થયા છે. ટોર્નેડોમાં કેટલાક લોકો ઘાયલ થયા હોવાના અહેવાલ છે.

જાપાનના હવામાન વિભાગના જણાવ્યા અનુસાર, છેલ્લા 48 કલાક દરમિયાન મિસાટો શહેરમાં 791.5 મિલીમીટર (31 ઇંચ) વરસાદ નોંધાયો છે. ક્યુશુમાં વીજળી વિભાગે માહિતી આપી છે કે 1.87 લાખથી વધુ ઘરોમાં વીજળીનો પુરવઠો પ્રભાવિત થયો છે.

આ પણ વાંચો: Cyclone Asna: ગુજરાતમાં વરસાદ અને પૂરનું કારણ બન્યુ ‘અવડાબ’ , પાકિસ્તાનમાં ચક્રવાત ‘આસ્ના’માં બદલાયું