મોસ્ટ વોન્ટેડ આતંકવાદીની ધરપકડ

દિલ્હી પોલીસને મોટી સફળતા મળી છે.પોલીસે ISIS મોડ્યુલના એક આતંકવાદીની ધરપકડ કરી છે. ISIS મોડ્યુલના આતંકીની ઓળખ રિઝવાન અલી તરીકે થઈ છે. તપાસ એજન્સી NIAએ તેના પર 3 લાખ રૂપિયાનું ઈનામ જાહેર કર્યું હતું. રિઝવાન દિલ્હીના દરિયાગંજનો રહેવાસી છે.કહેવામાં આવી રહ્યું છે કે રિઝવાન પુણે ISIS મોડ્યુલનો મોસ્ટ વોન્ટેડ આતંકી છે. દિલ્હી પોલીસની સ્પેશિયલ સેલે તેની ધરપકડ કરી છે. તેની પાસેથી હથિયારો પણ મળી આવ્યા છે. રિઝવાનને તપાસ એજન્સી NIAએ વોન્ટેડ જાહેર કર્યો હતો. તે ઘણા સમયથી ફરાર હતો.

ISIS module terrorist identified as Rizwan Ali has been arrested. NIA had declared a bounty of Rs 3 lakh on him. Rizwan is a resident of Daryaganj, Delhi: Special Cell, Delhi Police pic.twitter.com/YkFpHRLK5S

— ANI (@ANI) August 9, 2024

તમામ એજન્સીઓ લાંબા સમયથી આરોપીની કરી રહી હતી શોધખોળ

ઉલ્લેખનીય છે કે, ગયા વર્ષે જુલાઈ 2023માં આતંકવાદી રિઝવાન અલીની પુણેમાં ધરપકડ કરવામાં આવી હતી, પરંતુ તે ત્યાંથી ફરાર થઈ ગયો હતો. જે બાદ નેશનલ ઇન્વેસ્ટિગેશન એજન્સી (NIA) સહિત દેશની તમામ એજન્સીઓ લાંબા સમયથી તેની શોધી રહી હતી. જો કે હવે 15 ઓગસ્ટ પહેલા રિઝવાન અલીની ધરપકડને દિલ્હી પોલીસ સ્પેશિયલ સેલ માટે મોટી સફળતા માનવામાં આવી રહી છે. દિલ્હી પોલીસ અને NIA સહિતની તમામ એજન્સીઓ હવે તેની પૂછપરછ કરી રહી છે અને તેના આગળના પ્લાનિંગ વિશે માહિતી એકઠી કરી રહી છે.સૂત્રોનું માનીએ તો રિઝવાન આજે સવારે દિલ્હી-ફરીદાબાદ બોર્ડર પરથી ઝડપાયો હતો. આ મામલામાં UAPA હેઠળ એફઆઈઆર નોંધવામાં આવી છે અને રિઝવાનના નેટવર્કને ખતમ કરવા માટે દરોડા પાડવામાં આવી રહ્યા છે.

આ પણ વાંચો : ઢોર મારવાના કારણે બે આદિવાસી યુવકોની મોત થતા chaitar vasavaએ ઉચ્ચારી ચીમકી, પોલીસ પર લગાવ્યા આક્ષેપ