Maldives: માલદીવના રાષ્ટ્રપતિ મોહમ્મદ મુઈઝુ હાલ ભારતના પ્રવાસે છે. આજે માલદીવના રાષ્ટ્રપતિએ પીએમ મોદી સાથે મુલાકાત કરી હતી. આ દરમિયાન પીએમ મોદી અને માલદીવના રાષ્ટ્રપતિ સાથે પણ વાતચીત થઈ હતી. આ પ્રસંગે પીએમ મોદીએ કહ્યું કે ભારત અને માલદીવ વચ્ચેના સંબંધો સદીઓ જૂના છે અને ભારત માલદીવનો સૌથી નજીકનો પાડોશી અને નજીકનો મિત્ર છે. અમારી “નેબરહુડ ફર્સ્ટ” નીતિ અને “સાગર” વિઝનમાં પણ માલદીવ્સનું મહત્વનું સ્થાન છે.
પાડોશી તરીકેની જવાબદારી નિભાવી
ભારતે હંમેશા માલદીવ માટે પ્રથમ પ્રતિભાવકર્તાની ભૂમિકા ભજવી છે. Maldivesના લોકો માટે આવશ્યક ચીજવસ્તુઓની જરૂરિયાતો પૂરી કરવી હોય, કુદરતી આફતો દરમિયાન પીવાનું પાણી પૂરું પાડવું હોય કે પછી કોવિડ દરમિયાન રસી આપવી હોય. ભારતે હંમેશા તેના પાડોશી તરીકેની જવાબદારી નિભાવી છે. આજે અમે પુનઃવિકાસિત હનીમધુ એરપોર્ટનું ઉદ્ઘાટન કર્યું છે.
માલદીવમાં રુપે કાર્ડ રજૂ કરવામાં આવ્યું
હવે ગ્રેટર ‘માલે’ કનેક્ટિવિટી પ્રોજેક્ટને પણ ઝડપી કરવામાં આવશે. થિલાફુશીમાં નવા કોમર્શિયલ પોર્ટના વિકાસમાં પણ સપોર્ટ આપવામાં આવશે. આજે ભારતના સહયોગથી બનેલા 700 થી વધુ સામાજિક આવાસ એકમોને સોંપવામાં આવ્યા છે. વડાપ્રધાન નરેન્દ્ર મોદી અને માલદીવના રાષ્ટ્રપતિ મોહમ્મદ મુઈઝુ વચ્ચેની વાતચીત બાદ ભારતે માલદીવમાં રુપે કાર્ડ રજૂ કર્યું. આવનારા સમયમાં ભારત અને માલદીવને પણ UPI સાથે જોડવાનું કામ કરવામાં આવશે.
એરપોર્ટના નવા રનવેનું ડિજિટલ ઉદ્ઘાટન
વડાપ્રધાન મોદી રાષ્ટ્રપતિ મુઈઝુએ માલદીવના હનીમાધુ એરપોર્ટ પર નવા રનવેનું ડિજિટલી ઉદ્ઘાટન કર્યું. પીએમ મોદીએ કહ્યું કે ભારતે તેના સહયોગથી બનેલા 700 થી વધુ સામાજિક આવાસ એકમો માલદીવને સોંપ્યા છે. ભારત માલદીવે અડ્ડુમાં ભારતીય વાણિજ્ય દૂતાવાસ અને બેંગલુરુમાં માલદીવ્સ કોન્સ્યુલેટ ખોલવા અંગે ચર્ચા કરી હતી. હું ભારતને સરકારી બોન્ડ વિસ્તરણ અને ચલણ સ્વેપ કરારો પર હસ્તાક્ષર કરવા સહિતની ઉદાર સહાય માટે આભાર વ્યક્ત કરું છું.
