ભારતે પાકિસ્તાનના ખરાબ રેકોર્ડનો ઉલ્લેખ કર્યો

ભારતે પાકિસ્તાનમાં IMF કાર્યક્રમોની અસરકારકતા પર પ્રશ્ન ઉઠાવ્યો અને સુધારાઓ અને વારંવાર બેલઆઉટના તેના નબળા રેકોર્ડ તરફ ધ્યાન દોર્યું, જે કાયમી આર્થિક સ્થિરતા બનાવવામાં નિષ્ફળ રહ્યા છે. ભારતે કહ્યું છે કે પાકિસ્તાન દ્વારા રાજ્ય પ્રાયોજિત સરહદ પારના આતંકવાદ માટે IMF ભંડોળનો દુરુપયોગ થઈ શકે છે. ભારતે નાણાકીય પ્રવાહ સાથે સંકળાયેલા જોખમો અંગે પણ ચેતવણી આપી હતી. આંતરરાષ્ટ્રીય નાણાકીય ભંડોળ (IMF) દ્વારા પાકિસ્તાનને પ્રસ્તાવિત $1.3 બિલિયનના બેલઆઉટ પેકેજ પર મતદાન કરવાથી ભારત દૂર રહ્યું છે.

‘આતંકવાદી સંગઠનોને IMF ના પૈસા મળી રહ્યા છે’

9 મેના રોજ વોશિંગ્ટનમાં IMF બોર્ડની બેઠકમાં, ભારતે પાકિસ્તાન દ્વારા IMF સહાયની શરતો પૂરી કરવામાં વારંવાર નિષ્ફળતા અંગે ચિંતા વ્યક્ત કરી હતી. ભારતે એ પણ પુનરોચ્ચાર કર્યો કે પાકિસ્તાનને આપવામાં આવતી નાણાકીય સહાય તેની ગુપ્તચર એજન્સીઓ અને લશ્કર-એ-તૈયબા અને જૈશ-એ-મોહમ્મદ જેવા આતંકવાદી સંગઠનોને પરોક્ષ રીતે મદદ કરે છે. જે ભારત પર હુમલાઓ કરી રહ્યા છે.

IMF $1.3 બિલિયન લોનની સમીક્ષા કરી રહ્યું છે

IMF બોર્ડની બેઠકમાં ચાલુ IMF-સમર્થિત કાર્યક્રમ હેઠળ પાકિસ્તાનના આર્થિક પ્રદર્શનની સમીક્ષા કરવામાં આવી રહી છે. આમાં, લોન વિતરણ, કાર્યક્રમ વિસ્તરણ અથવા નીતિ ગોઠવણો અંગે નિર્ણયો લેવામાં આવશે. પાકિસ્તાન ગયા વર્ષે IMF પાસેથી $7 બિલિયનનું બેલઆઉટ ફંડિંગ મેળવવામાં સફળ રહ્યું. ત્યારબાદ માર્ચમાં $1.3 બિલિયનનું નવું ક્લાઇમેટ રેઝિલિયન્સ લોન આપવામાં આવ્યું.

આ પણ વાંચો: Pakistanએ તુર્કી ડ્રોનનો કર્યો ઉપયોગ , 36 સ્થળોને બનાવ્યા નિશાન : MEA