મીડિયા રિપોર્ટ્સ અનુસાર, Hezbollahની જે મીટિંગ માટે નસરાલ્લાહ બેરૂત બંકર પહોંચ્યા હતા તે ઈરાનમાં આયોજિત મીટિંગની પણ બ્રીફિંગ હતી. મતલબ કે મીટિંગનું ઈરાન સાથે પણ કનેક્શન હતું અને અહેવાલો અનુસાર ઈરાની અધિકારી પણ નસરાલ્લાહ સાથે હતા. તેથી સવાલો ઉઠી રહ્યા છે કે શું ઈઝરાયલને ઈરાન મારફતે નસરાલ્લાહના સ્થાનની માહિતી મળી હતી?

આ હુમલો હેડક્વાર્ટર પહોંચ્યાની માત્ર 5 મિનિટ બાદ થયો હતો.
એવો દાવો કરવામાં આવ્યો છે કે નસરાલ્લાહ સાંજે 6 વાગ્યે બેરુતમાં હિઝબુલ્લાહના કેન્દ્રીય મુખ્યાલય પર પહોંચી ગયા હતા અને ઇઝરાયેલે સાંજે 6:05 વાગ્યે હુમલો કર્યો હતો. મતલબ કે નસરાલ્લાહના આગમનની માત્ર 5 મિનિટ પછી ઇઝરાયેલે બોમ્બમારો શરૂ કર્યો. તેનો અર્થ એ કે માહિતી ખૂબ જ સચોટ હતી. તો સવાલ એ છે કે આ માહિતી ક્યાંથી લીક થઈ?

ઈરાન સાથેના જોડાણને લઈને આ પાંચ પ્રશ્નો ઉભા થઈ રહ્યા છે?

• નસરાલ્લાહ અને તેની સાથે માર્યા ગયેલા વરિષ્ઠ કમાન્ડર બે દિવસ પહેલા ગુપ્ત મુલાકાત બાદ ઈરાનથી પરત ફર્યા હતા.
• શું ઈરાની સરકારમાં ઈઝરાયેલે સંપૂર્ણપણે ઘૂસણખોરી કરી હતી?
• હમાસ કમાન્ડર ડેફ માર્યા ગયાના બે દિવસ પહેલા વરિષ્ઠ IRGC કમાન્ડરને મળ્યો હતો.
• હિઝબુલ્લાહ કમાન્ડર ફવાદ શુકર માર્યા ગયા તે પહેલા તેણે ઈરાનથી હથિયારોનો કન્સાઈનમેન્ટ લીધો હતો.
• ટોચના કમાન્ડર મોહમ્મદ સરૂર 26 સપ્ટેમ્બરે માર્યો ગયો હતો, 24 સપ્ટેમ્બરે તે સીરિયામાં ઈરાની પ્રોક્સીઓને તાલીમ આપીને પાછો ફર્યો હતો.
• ઈઝરાયેલે આ ઓપરેશનને આ નામ આપ્યું હતું
• ઈઝરાયેલે હિઝબુલ્લાના ચીફ હસન નસરાલ્લાહને ખતમ કરવા માટે એક ખાસ રણનીતિ બનાવી છે. ઈઝરાયેલે નસરાલ્લાહ વિરુદ્ધ શરૂ કરેલા ઓપરેશનને ‘ન્યૂ ઓર્ડર’ નામ આપવામાં આવ્યું હતું, સૌથી મહત્વની વાત એ છે કે ઈઝરાયલના પીએમ નેતન્યાહુ ન્યૂયોર્ક ગયા તે પહેલા જ ઓપરેશન ‘ન્યૂ ઓર્ડર’ સક્રિય થઈ ગયું હતું. નસરાલ્લાહના ચોક્કસ સ્થાન વિશે ઇઝરાયેલને જાણ થતાં જ તેણે તેનું સૌથી ઘાતક હથિયાર લોન્ચ કર્યું અને એક જ ક્ષણમાં હિઝબુલ્લાના વડાને ખતમ કરી દેવામાં આવ્યો.

આ પણ વાંચો: Kolkataમાં ગન પોઈન્ટ પર IAS ઓફિસરની પત્ની પર દુષ્કર્મ, તપાસમાં બેદકારીથી HC નારાજ

ઈરાનમાં પાંચ દિવસનો જાહેર શોક

ઈઝરાયેલના હુમલામાં હિઝબુલ્લાના ચીફ હસન નસરાલ્લાહના મોત બાદ ઈરાનના સર્વોચ્ચ નેતા ખમેનાઈએ દેશમાં પાંચ દિવસ માટે જાહેર શોકની જાહેરાત કરી છે. ખમેનીએ કહ્યું છે કે હું મહાન નસરાલ્લાહ અને તેમના શહીદ સાથીઓની શહાદત માટે મારી સંવેદના વ્યક્ત કરું છું અને ઈરાનમાં પાંચ દિવસના જાહેર શોકની જાહેરાત કરું છું.