મહારાષ્ટ્રના 29 જિલ્લાઓમાં આવતીકાલે એટલે કે 11મી ઓક્ટોબરે યલો એલર્ટ જારી કરવામાં આવ્યું છે. આ જિલ્લાઓમાં ભારે વરસાદની સંભાવના છે. હવામાન વિભાગે મુંબઈના પૂર્વ ઉપનગરો, નવી મુંબઈ અને રાયગઢ જિલ્લામાં ગાજવીજ સાથે વધુ વરસાદની આગાહી કરી છે. હવામાન વિભાગે માહિતી આપી છે કે આગામી બે કલાક સુધી તોફાની પવન સાથે વરસાદી ઝાપટાં જોવા મળી શકે છે.

આ વિસ્તારોમાં વરસાદ પડી રહ્યો છે

હાલમાં મુંબઈના પશ્ચિમી ઉપનગરો અંધેરી, જોગેશ્વરી, ગોરેગાંવ મલાડ, કાંદિવલી, બોરીવલી, દહિસર, વિલે પાર્લે સાંતાક્રુઝ, બાંદ્રામાં ભારે વરસાદ પડી રહ્યો છે. જો આવો ભારે વરસાદ થોડો સમય ચાલુ રહેશે તો પશ્ચિમ ઉપનગરોના નીચાણવાળા વિસ્તારોમાં પાણી ભરાવા લાગશે. ભિવંડી શહેર અને તાલુકામાં ગાજવીજ સાથે ભારે વરસાદ પડી રહ્યો છે.

વરસાદના પુનરાગમનને કારણે ભીવંડી શહેર અને તાલુકામાં ગાજવીજ સાથે તોફાની પવન ફૂંકાયો હતો, સાંજ સુધીમાં જોરદાર વરસાદ પાછો ફર્યો હતો, જો કે આ વરસાદ પણ લોકોને ગરમીમાંથી રાહત આપતો હોય તેમ લાગી રહ્યું છે.

ગાજવીજ અને વીજળીના ચમકારા સાથે વરસાદ ચાલુ છે

વરસાદને લગતો વીડિયો સામે આવ્યો છે જેમાં મુંબઈના એલ્ફિન્સ્ટન રોડ પર પાણી ભરાઈ ગયા છે અને લોકોને તે જ પાણીમાંથી પસાર થવું પડી રહ્યું છે. વડાલા વિસ્તારમાં પણ ભારે વરસાદ પડી રહ્યો છે અને વીજળીના ચમકારા પણ થઈ રહ્યા છે. ચુનાભટ્ટી વિસ્તારમાંથી એક વીડિયો પણ સામે આવ્યો છે જ્યાં વીજળીના ચમકારા સાથે વરસાદ પડી રહ્યો છે. આ વરસાદમાં ટુ-વ્હીલર ચાલકોને સૌથી વધુ મુશ્કેલી પડી રહી છે.

આ પણ  વાંચો: Delhiમાં ફરી 200 કિલો કોકેઈન મળી આવ્યું, એક અઠવાડિયામાં 7000 કરોડનું ડ્રગ્સ જપ્ત