નિષ્ણાતો શું કહે છે

નિષ્ણાતોના મતે, કેટલાક મહિનાઓ સુધી દરરોજ વિટામિન ડીના 60,000 ઈન્ટરનેશનલ યુનિટ (IU) લેવાથી શરીરમાં ઝેરી અસર થઈ શકે છે. RDA અનુસાર મોટા ભાગના પુખ્તોને દરરોજ 600 IU વિટામિન Dની જરૂર પડે છે. વધુ પડતા વિટામિન ડી લેવાથી વિટામિન ડીની ઝેરી અસર થઈ શકે છે, જેને હાયપરવિટામિનોસિસ તરીકે પણ ઓળખવામાં આવે છે.

વિટામિન ડીનું સેવન કર્યા પછી આ લક્ષણો દેખાવા લાગે છે

ભૂખ ન લાગવી

શરીરમાં વિટામિન ડીની વધુ માત્રાને કારણે, વ્યક્તિની ભૂખ ઓછી થઈ શકે છે. વિટામિન ડીની વધુ માત્રાને કારણે લોહીમાં કેલ્શિયમનું પ્રમાણ એકઠું થવા લાગે છે. જેને હાઈપરક્લેસીમિયા પણ કહેવાય છે. જેના કારણે વ્યક્તિને ઉબકા, ઉલટી, નબળાઈ અને ભૂખ ન લાગવી જેવા લક્ષણોનો અનુભવ થઈ શકે છે. જો આ લક્ષણો દેખાય, તો વિટામિન ડી ટેસ્ટ કરાવવો જરૂરી છે.

અનિયમિત આંતરડાની હિલચાલ

જ્યારે શરીરમાં વિટામિન ડીની ઝેરી અસર થાય છે, ત્યારે જઠરાંત્રિય લક્ષણો જેમ કે કબજિયાત જોવા મળે છે. શરીરમાં કેલ્શિયમ કાર્બોનેટનું વધુ પ્રમાણ પણ આંતરડાની અનિયમિત હિલચાલનું કારણ બની શકે છે.

સુસ્તી અનુભવવી

અતિશય વિટામિન ડીના સેવનથી થતા હાઈપરક્લેસીમિયા થાક અને સુસ્તીનું કારણ બની શકે છે. આ થાક અને ઉર્જાનો અભાવ તમારી રોજીંદી પ્રવૃત્તિઓને અવરોધી શકે છે.

વારંવાર પેશાબ

વિટામિન ડીની વધુ માત્રા લેવાથી વ્યક્તિમાં વારંવાર પેશાબ થવાના લક્ષણો પણ થઈ શકે છે. જો કે, તે ડાયાબિટીસ અને કિડની સંબંધિત સમસ્યાઓનો વધુ સંકેત માનવામાં આવે છે.

કેન્સરનું જોખમ

નિષ્ણાંતોના મતે શરીરમાં વિટામિન ડીની વધુ માત્રા કેન્સર, કાર્ડિયોવેસ્ક્યુલર પ્રોબ્લેમ અને હાડકાના ફ્રેક્ચરનું જોખમ વધારી શકે છે.

આ પણ વાંચો: Health Tips: ડાયાબિટીસના કારણે પગમાં રહે છે સોજા તો આ રીતે મેળવો આરામ