Gujarat Weather : આજે ગુજરાતના કેટલાક ભાગોમાં કમોસમી વરસાદ પડ્યો. હવામાન વિભાગના જણાવ્યા અનુસાર, આગામી 3 દિવસ દરમિયાન રાજ્યના કેટલાક ભાગોમાં હળવો વરસાદ થવાની સંભાવના છે. તે જ સમયે, રાજ્યના મોટાભાગના જિલ્લાઓમાં હળવાથી મધ્યમ વરસાદની શક્યતા છે. સાથે જ આ વર્ષે ચોમાસુ વહેલું હોવાની પણ આગાહી કરવામાં આવી છે. આ સાથે સત્તાવાર રીતે ભારતમાં વહેલા ચોમાસાથી ખેડૂતોમાં પણ આનંદની લાગણી જોવા મળી રહી છે.
આ 34 જિલ્લાઓમાં વરસાદની ચેતવણી
હવામાન વિભાગના જણાવ્યા અનુસાર, આગામી પાંચ દિવસમાં તાપમાનમાં વધારો થઈ શકે છે. 15 થી19 મે દરમિયાન રાજ્યના વિવિધ ભાગોમાં વરસાદ પડશે. વરસાદની સાથે તોફાની પવન પણ ફૂંકાશે.
ગુજરાતમાં ચોમાસુ ક્યારે આવશે?
હવામાન વિભાગે જણાવ્યું છે કે આ વર્ષે દક્ષિણ પશ્ચિમ ચોમાસું આગાહી પહેલાં ગુજરાતમાં પ્રવેશ કરે તેવી શક્યતા છે. સામાન્ય રીતે ચોમાસુ 15 જૂને ગુજરાતમાં પહોંચે છે. જોકે, આ વર્ષે તે 4 દિવસ વહેલું, 10 કે 11 જૂનની આસપાસ પહોંચશે. તેની અસર 12 જૂનની આસપાસ ગુજરાતમાં દેખાશે અને એટલું જ નહીં, તે ખૂબ જ ટૂંક સમયમાં સમગ્ર રાજ્યને આવરી લેશે.
આ પણ વાંચો : Chaitar Vasava : કેવડિયામાં તંત્રએ હાથ ધરી ડિમોલિશન કામગીરી, ચૈતર વસાવાએ કર્યા સરકાર પર પ્રહાર
