Gujarat Rain Alert : દેશના ઘણા રાજ્યોમાં સતત વરસાદ થઈ રહ્યો છે, જેના કારણે ઘણી નદીઓ છલકાઈ રહી છે અને ઘણા રાજ્યોમાં પૂર જેવી સ્થિતિ છે. પૂર અને વરસાદ (Rain)ના કારણે લોકોને ભારે મુશ્કેલીનો સામનો કરવો પડી રહ્યો છે. હવામાન વિભાગે ગુજરાતમાં આગામી 5 દિવસ સુધી રાજ્યના વિવિધ જિલ્લાઓમાં ભારે વરસાદ (Gujarat Rain Alert)ની ચેતવણી જારી કરી છે. ગુજરાત (Gujarat)માં વર્તમાન પરિસ્થિતિમાં બે સિસ્ટમ સક્રિય છે, જેમાં ઓફશોર ટ્રફ અને સીયર જોન સક્રિય છે, રાજ્યના અનેક જિલ્લાઓમાં વાવાઝોડા સાથે ભારે વરસાદની ચેતવણી આપવામાં આવી છે.
આ જિલ્લાઓમાં યેલો એલર્ટ
હવામાન વિભાગે દક્ષિણ ગુજરાતના સુરત, નવસારી, વલસાડ, દમણ, દાદરા અને નગર હવેલીમાં 27મી જુલાઈએ ભારે વરસાદનું ઓરેન્જ એલર્ટ આપ્યું છે, જ્યારે સૌરાષ્ટ્ર (Saurashtra)ના રાજકોટ, જૂનાગઢ, ગીર સોમનાથ, અમરેલી, ભાવનગર સહિત દાહોદ, યેલો એલર્ટ આપવામાં આવ્યું છે. વડોદરા, પંચમહાલ, ભરૂચ, નર્મદા, છોટાઉદેપુર, નર્મદા, તાપી અને ડાંગમાં વરસાદ થયો છે.
28 જુલાઈની વાત કરીએ તો હવામાન વિભાગના જણાવ્યા અનુસાર સુરત, નવસારી, વલસાડ, દમણ, દાદરા અને નગર હવેલી, ગીર સોમનાથ, અમરેલી અને ભાવનગરમાં વરસાદ માટે ઓરેન્જ એલર્ટ રહેશે જ્યારે દાહોદ, વડોદરા, ભરૂચ, પંચમહાલ, નર્મદા. , છોટાઉદેપુર, નર્મદા, તાપી, ડાંગ, દ્વારકા, પોરબંદર, જૂનાગઢ, રાજકોટ, બોટાદ, સુરેન્દ્રનગર, ગાંધીનગર, અમદાવાદ, આણંદ, ખેડા, મહિસાગર, અરવલ્લી, સાબરકાંઠા, બનાસકાંઠા, પાટણમાં વરસાદનું યલો એલર્ટ આપવામાં આવ્યું છે.
સરેરાશ વરસાદ 54 ટકાથી વધુ
સ્ટેટ ઇમરજન્સી ઓપરેશન સેન્ટર, ગાંધીનગર દ્વારા પ્રાપ્ત અહેવાલ મુજબ, 26 જુલાઈના રોજ સવારે 6 વાગ્યા સુધી, ગુજરાતમાં સિઝનના કુલ સરેરાશ વરસાદના 54 ટકાથી વધુ વરસાદ નોંધાયો છે. જેમાં સૌથી વધુ 75 ટકા વરસાદ કચ્છ ઝોનમાં નોંધાયો છે. આ ઉપરાંત મોસમનો કુલ સરેરાશ વરસાદ સૌરાષ્ટ્ર ઝોનમાં 73 ટકા, દક્ષિણ ગુજરાતમાં 66 ટકા, ઉત્તર ગુજરાતમાં 29 ટકા અને પૂર્વ-મધ્ય ગુજરાતમાં 33 ટકા નોંધાયો છે.
આ પણ વાંચો : Surat : ગુજરાતની ફેશન ડિઝાઈનર સાથે રૂ. 90 લાખની છેતરપિંડી…આરોપીઓ હોટલમાં તેના પર દુષ્કર્મ કર્યો
