Gandhinagar: ફોરેસ્ટ બીટ ગાર્ડ પરીક્ષા (Forest Beat Guard Exam) ભરતીનો વિવાદ હવે વધુ વકરતો જઈ રહ્યો છે. કોમ્પ્યુટર બેઝ્ડ રિક્રુટમેન્ટ ટેસ્ટ (CBRT) અને નોર્મલાઈઝેશન મેથડના કારણે વિદ્યાર્થીઓને અન્યાય થયો હોવાનો આરોપ લગાવવાં આવી રહ્યોછે. આ પરીક્ષા પદ્ધતિથી અનેક છબરડા થયા છે. અને ગૌણ સેવાએ પણ તે સ્વીકાર્યું છે ત્યારે ઉમેદવારો આ પદ્ધતિને રદ કરવાની માંગ કરી રહ્યા છે. ત્યારે ઉમેદવારોએ અનેક વાર રજૂઆત કરી છતા પણ તેનું કોઈ નિકારણ ન આવતા હવે ઉમેદવારો આક્રમક મુડમા આવ્યા છે. ગાંધીનગર ખાતે ફોરેસ્ટ ગાર્ડના ઉમેદવારો ભેગા થઈને વિરોધ નોંધાવ્યો હતો. ગઈ કાલથી ઉમેદવારો આંદોલન પર બેઠા છે આખી રાત ઉમેદવારો અહીં વિરોધ નોંધાવી રહ્યા હતા ત્યારે આજે વહેલી સવારે પોલીસે આ ઉમેદવારો તેમજ ઉમેદવારોની સાથે વિદ્યાર્થી નેતા યુવરાજસિંહની અટકાયત કરી હતી.
યુવરાજસિંહ અને ઉમેદવારો ને જલ્દીથી મુક્ત કરો.. નહિ તો ગુજરાતના દરેક યુવાનોને યુવરાજસિંહ બનતા વાર નહિ લાગે.🙏#Forest #વનરક્ષક_લડત#ReleaseYuvrajsinh#Release_all_Students pic.twitter.com/TBJauWw7vM
— Mehulbhai Raghvani (@MehulbhaiRaghv1) August 6, 2024
આંદોલન કરી રહેલા ઉમેદવારોની વહેલી સવારે અટકાયત
પ્રાપ્ત જાણકારી મુજબ ફોરેસ્ટ બીટ ગાર્ડ પરીક્ષા વિવાદ મામલે હવે ઉમેદવારો લડી લેવાના મુડમાં છે. ગઈ કાલથી ઉમેદવારો તેમજ વિદ્યાર્થી નેતા યુવરાજસિંહ ગાંધીનગર સેકટર 11 રામકથા મેદાનમાં વિરોધ પ્રદર્શન કરી રહ્યા છે. ચોમાસાના મોસમમાં પણ ઉમેદવારો આખી રાત અહીં જ વિરોધ રહ્યા હતા અને વિરોધ નોંધાવ્યો હતો ત્યારે આજે વહેલી સવારે જ આંદોલન કરી રહેલા ઉમેદવારો અને વિદ્યાર્થી નેતા યુવરાજસિંહની અટકાયત કરવામા આવી હતી.
આ વન રક્ષક બનવા માંગતા હકદાર અને મહેનતુ ઉમેદવાર છે…રાત્રે ત્રણ વાગે ગુજરાતના પાટનગર માં ખુલા આકાશ નીચે સૂતા છે…
ખોટી પ્રણાલી એ આમનો હકનો રોટલો છીનવી લીધો છે.#forest #forestprotest #Yuvrajsinhjadeja #gujrat #gujarat https://t.co/NGR3LRTCmt pic.twitter.com/1XRir1e0Wl— Yuvrajsinh Jadeja (@YAJadeja) August 5, 2024
ઉમેદવારોની શું છે માંગ ?
મહત્વનું છે ફોરેસ્ટ ગાર્ડની પરીક્ષામાં જાહેર થયેલા પરિણામોમાં માત્ર સિલેક્ટેડ ઉમેદવારોનું લીસ્ટ જાહેર થયું છે.ઉમેદવારોએ પરીક્ષામાં મેળવેલા માર્કસ જાહેર થયા નથી. જેથી ઉમેદવારોની માંગ છે કે, નોર્મલાઇઝેશન મેથડ પહેલાં વાસ્તવિક માર્ક્સ કેટલા હતા અને નોર્મલાઇઝેશન મેથડ લાગુ કરવામાં આવ્યા બાદ કોના કેટલા માર્ક્સ ઉમેરવામાં આવ્યા, કેટલા માર્ક્સ ઘટાડવામાં આવ્યા તેની દરેક માહિતી કેટેગરીવાઈઝ અને માર્ક્સવાઇઝ પ્રસિદ્ધ કરવામાં આવે. આ સાથે CBRT પરીક્ષા પદ્ધતીના કારણે પરીક્ષામાં અનેક મોટા છબરડા થયા છે જેથી ઉમેદવારો CBRT પરીક્ષા પદ્ધતી રદ કરવા અને ભરતીની જગ્યામાં વધારો કરવા માંગ કરી રહ્યા છે. ઉમેદવારોનું કહેવું છે કે, જો બધી પરીક્ષાઓમાં રિઝલ્ટમાં માર્ક બતાવવામાં આવતા હોય તો ગૌણ સેવાને શું વાંધો છે. તેઓ કેમ માર્ક જાહેર નથી કરતા.
આ પણ વાંચો : Forest Beat Guard : ભાજપના ધારાસભ્યોએ વન અને પર્યાવરણ મંત્રીને લખ્યો પત્ર, ઉમેદવારી માંગ સ્વીકારવા કરી વિનંતી
