Baba Ramdev: યોગ ગુરુ રામદેવના નેતૃત્વમાં પતંજલિ આયુર્વેદિક લિમિટેડની મુશ્કેલીઓ ફરી એકવાર વધી રહી છે. દિલ્હી હાઈકોર્ટે કેન્દ્ર સરકાર, ફૂડ સેફ્ટી સ્ટાન્ડર્ડ્સ ઓથોરિટી ઓફ ઈન્ડિયા (FSSAI) અને પતંજલિ પાસેથી કંપનીની ડેન્ટલ કેર પ્રોડક્ટ દિવ્યા દંત મંજનના કથિત મિસબ્રાન્ડિંગનો આરોપ લગાવતી અરજીઓ પર જવાબ માંગ્યો છે.
આ અંગે એડવોકેટ યતિન શર્મા દ્વારા દાખલ કરવામાં આવેલી અરજીમાં દાવો કરવામાં આવ્યો છે કે પતંજલિ દિવ્યા ટૂથપેસ્ટને ગ્રીન ડોટ સાથે માર્કેટ કરે છે. મતલબ કે આ પ્રોડક્ટ બનાવવામાં માત્ર શાકાહારી ઘટકોનો ઉપયોગ કરવામાં આવ્યો છે. પરંતુ, તેમાં સીફોમ નામનો પદાર્થ હોય છે જે વાસ્તવમાં માછલીઓમાંથી મેળવેલ સંયોજન છે.
પતંજલિ ખોટી બ્રાન્ડિંગ કરી રહી છે
શર્માની અરજી અનુસાર આ ડ્રગ્સ એન્ડ કોસ્મેટિક એક્ટ હેઠળ મિસબ્રાન્ડિંગનો મામલો છે. જોકે, કાયદો એવું નથી કહેતો કે દવાઓ પર શાકાહારી કે માંસાહારી લેબલિંગ ફરજિયાત છે. પરંતુ, જો ગ્રીન ડોટનો ઉપયોગ કરવામાં આવી રહ્યો હોય અને ઉત્પાદન સંપૂર્ણપણે વેગન ન હોય તો તે ડ્રગ્સ એન્ડ કોસ્મેટિક્સ એક્ટનું ઉલ્લંઘન છે. (Baba Ramdev)
Fresh trouble for Yog Guru Ramdev as plea in Delhi High Court alleges Patanjali tooth powder has non-veg ingredients.#Patanjali #Ramdev pic.twitter.com/hdhqHluJJh
— Gaurav Pandey (@penn_gaurav_) August 30, 2024
કેન્દ્ર અને રામદેવને નોટિસ
આ અરજી પર દિલ્હી હાઈકોર્ટના જજ સંજીવ નરુલાએ કેન્દ્ર, FSSAI સાથે પતંજલિ, રામદેવ, દિવ્યા ફાર્મસી અને અન્ય સંબંધિત પક્ષકારોને નોટિસ પાઠવી છે. અરજદારનું કહેવું છે કે પતંજલિના ઉત્પાદનોમાં માછલી આધારિત સંયોજનોની હાજરી તેના અને તેના પરિવાર માટે આઘાતજનક હતી કારણ કે તે સંપૂર્ણ શાકાહારી છે.
લીલા અને લાલ ટપકામાં શું સમસ્યા છે?
તમને જણાવી દઈએ કે ફૂડ પ્રોડક્ટ્સ બનાવતી કંપનીઓ ડોટ સાથે તેમના ઉત્પાદનો શાકાહારી છે કે માંસાહારી છે તેની માહિતી આપે છે. આ બિંદુ શાકાહારી ઉત્પાદનો પર લીલો અને માંસાહારી ઉત્પાદનો પર લાલ રંગનો હોય છે. પતંજલિ તેના ટૂથ પાઉડરને શુદ્ધ શાકાહારી તરીકે વર્ણવે છે, પરંતુ આ અરજીએ તેના માટે મુશ્કેલીનો નવો વમળ ઉભો કર્યો છે.
આ પણ વાંચો: 40 મિનિટ પછી પોલીસને કોલ, ક્રાઈમ સીન સાથે છેડછાડ… Kolkata દુષ્કર્મ-હત્યા કેસમાં CBI સામે અનેક સવાલો…
