પોલીસના જણાવ્યા અનુસાર સર્ચ ઓપરેશન દરમિયાન જ વિસ્તારમાં કેટલાક આતંકીઓની હાજરીનો ખુલાસો થયો હતો. બંને તરફથી કેટલાક રાઉન્ડ ગોળીબાર પણ કરવામાં આવ્યો હતો. હાલમાં સુરક્ષા દળોએ સમગ્ર વિસ્તારને કોર્ડન કરી લીધો છે અને ઓપરેશન હાથ ધરી છે. એન્કાઉન્ટર સાથે જોડાયેલી વધુ માહિતી હજુ સામે આવી નથી.

એક દિવસ પહેલા રિયાસીમાં ફાયરિંગ થયું હતું

રિયાસી જિલ્લાના ચાસના વિસ્તારમાં વ્યાપક સર્ચ ઓપરેશન ચાલી રહ્યું છે, જ્યાં શુક્રવારે સાંજે આતંકવાદીઓ અને સુરક્ષા દળો વચ્ચે ગોળીબાર થયો હતો. અધિકારીઓએ જણાવ્યું હતું કે ગુપ્ત માહિતીના આધારે શુક્રવારે બપોરે 1 વાગ્યે સર્ચ ઓપરેશન શરૂ કરવામાં આવ્યું હતું. સર્ચ ઓપરેશન દરમિયાન આ વિસ્તારમાં કેટલાક આતંકીઓ સાથે અથડામણ થઈ હતી, ત્યારબાદ ફાયરિંગ થયું હતું.

બડગામમાં બસ ખાડામાં પડી હતી

આ પહેલા શુક્રવારે બડગામમાં ચૂંટણી ડ્યુટી પર બોર્ડર સિક્યુરિટી ફોર્સ (BSF)ના જવાનોની બસ ખાઈમાં પડતાં ત્રણ સૈનિકોના મોત થયા હતા જ્યારે 30થી વધુ ઘાયલ થયા હતા. ઘટના બાદ તમામ ઘાયલોને હોસ્પિટલમાં દાખલ કરવામાં આવ્યા હતા જ્યાં તેમની હાલત સ્થિર છે.

ચૂંટણી માટે કડક સુરક્ષા વ્યવસ્થા

જમ્મુ-કાશ્મીરમાં વિધાનસભાની ચૂંટણી યોજાઈ રહી છે. ચૂંટણીને ધ્યાનમાં રાખીને સમગ્ર કેન્દ્રશાસિત પ્રદેશમાં કડક સુરક્ષા વ્યવસ્થા કરવામાં આવી છે. સુરક્ષા દળો દ્વારા નેશનલ હાઈવે સહિત વિવિધ વિસ્તારોમાં ચેકિંગ ઓપરેશન પણ હાથ ધરવામાં આવી રહ્યું છે. ચૂંટણીના પ્રથમ તબક્કાનું મતદાન 18 સપ્ટેમ્બરે પૂર્ણ થયું છે. હવે બીજા તબક્કાની ચૂંટણી માટે 25 સપ્ટેમ્બરે મતદાન થશે. આ પછી 1 ઓક્ટોબરે છેલ્લા તબક્કાનું મતદાન થશે. ચૂંટણીના પરિણામો 8 ઓક્ટોબરે જાહેર થશે.

આ પણ વાંચો: Kolkata: CBI હવે સંદીપ ઘોષના નજીકના સંબંધીઓ પર રાખી રહી છે નજર, 3 ડોક્ટરોની કરી પૂછપરછ