Election Commissioner : દેશના મુખ્ય ચૂંટણી કમિશનર (CEC) રાજીવ કુમારના હેલિકોપ્ટરનું ઉત્તરાખંડના પિથોરાગઢમાં ઈમરજન્સી લેન્ડિંગ કરવામાં આવ્યું છે. ખરાબ હવામાનને કારણે તેમનું હેલિકોપ્ટર મુનસિયારીના રાલમ ખાતે લેન્ડ કરવામાં આવ્યું હતું. આ દરમિયાન તેમની સાથે રાજ્યના નાયબ મુખ્ય ચૂંટણી અધિકારી વિજય કુમાર જોગદંડે પણ હાજર હતા. આ હેલિકોપ્ટર પિથોરાગઢથી મિલામ તરફ જઈ રહ્યું હતું. ત્યારબાદ ટ્રેકિંગ માટે મિલામથી નંદા દેવી બેઝ કેમ્પ જવાનો પ્લાન હતો. દરમિયાન ખરાબ હવામાનના કારણે બપોરે 1 વાગ્યે આ ઘટના બની હતી. ડીએમએ CEC સાથે વાત કરી, તેઓ સુરક્ષિત અને સ્વસ્થ છે. ખરાબ હવામાનના કારણે બપોરે 1 વાગ્યે આ ઘટના બની હતી.
15 મે 2022 ના રોજ ચાર્જ સંભાળ્યો
તમને જણાવી દઈએ કે રાજીવ કુમાર દેશના 25મા મુખ્ય ચૂંટણી કમિશનર છે. તેમણે 15 મે 2022 ના રોજ ચાર્જ સંભાળ્યો અને 18 ફેબ્રુઆરી 2025 સુધી આ પદ સંભાળશે. 1984 બેચના ભારતીય વહીવટી સેવા અધિકારી રાજીવ કુમારે તેમની લાંબી વહીવટી કારકિર્દીમાં ઘણી મહત્વપૂર્ણ જવાબદારીઓ નિભાવી છે.
આ પણ વાંચો : Kandla Chemical Factory : કચ્છમાં કંડલાની કેમિકલ ફેક્ટરીમાં મોટો અકસ્માત, ટાંકી સાફ કરતા 5 કામદારોના મોત.
