Earthquake in Himalaya: ગ્લોબલ વોર્મિંગના કારણે હિમાલયના (Himalaya) ગ્લેશિયર સરોવરો પર ખતરો વધી રહ્યો છે. વધતી જતી ગરમીને કારણે આ સરોવરો દર વર્ષે પીગળી રહ્યા છે જે દેશ માટે કોઈ ગંભીર સંકટથી ઓછું નથી. પરંતુ આ બધાની વચ્ચે IIT રૂરકીના હેડ પ્રોફેસર એમએલ શર્મા દ્વારા કરવામાં આવેલો દાવો વધુ ચોંકાવનારો છે. તેમના દાવા મુજબ હિમાલયના ક્ષેત્રમાં ટૂંક સમયમાં મોટો ભૂકંપ આવી શકે છે. આ ભૂકંપ 8 થી 9 ની તીવ્રતાનો હશે, જેના કારણે ભારે જાનહાનિ થશે.
એક ન્યૂઝ ચેનલ સાથે વાત કરતા IIT રૂરકીના હેડ પ્રોફેસર એમએલ શર્માએ દાવો કર્યો છે કે હિમાલયના ક્ષેત્રમાં આવનારા ભૂકંપથી (Earthquack) મોટી જાનહાનિ થઈ શકે છે. ભૂકંપના કારણે જાનહાનિને રોકવા અને ટાળવા માટે, તેઓએ ભૂકંપ ચેતવણી સિસ્ટમ તૈયાર કરી છે, જેના દ્વારા જાણી શકાય છે કે ભૂકંપ ક્યારે અને કેટલી તીવ્રતા પર આવવાનો છે.
આ વોર્નિંગ સિસ્ટમ 45 સેકન્ડ પહેલા ભૂકંપના સંકેત આપશે
પ્રોફેસર એમએલ શર્માએ જણાવ્યું કે તેમની ચેતવણી પ્રણાલી ભૂકંપના 45 સેકન્ડ પહેલા તેના એલાર્મ વડે આપણને બધાને ચેતવણી આપી શકે છે, જેથી દરેક વ્યક્તિ અગાઉથી સતર્ક થઈ જાય અને ઈમારતો છોડીને ખાલી જમીન પર પહોંચી શકે. તેમણે કહ્યું કે ઉત્તરાખંડમાં પ્રાથમિક અને માધ્યમિક શાળાઓની ઇમારતો જર્જરિત હાલતમાં છે, જેમાં આ સિસ્ટમ લગાવવી ખૂબ જ જરૂરી છે. જો આ વોર્નિંગ સિસ્ટમ લગાવવામાં નહીં આવે તો આ શાળાઓમાં સાતથી આઠ કલાક અભ્યાસ કરતા વિદ્યાર્થીઓ આગામી ધરતીકંપના કારણે જાનહાનિનો ભોગ બની શકે છે. આથી આપણે અગાઉથી સાવધાન રહેવાની જરૂર છે.
નદી-નાળાની બાજુમાં બનેલી ઇમારતોને નુકસાન થશે
તેમણે એ પણ ઉલ્લેખ કર્યો છે કે નદીઓ અને નાળાઓની બાજુમાં બનેલી ઇમારતોને ભારે નુકસાન થઈ શકે છે. પ્રોફેસર એમએલ શર્માએ દાવો કર્યો હતો કે હિમાલયના ક્ષેત્રમાં 8 થી 9 તીવ્રતાનો મજબૂત ભૂકંપ આવી શકે છે. ભૂકંપ પહેલા આ ચેતવણી પ્રણાલી હોસ્પિટલો અને અન્ય મહત્વની ઈમારતોમાં લગાવવી જોઈએ, જેથી ભૂકંપથી થતા નુકસાનને ટાળી શકાય. જો આ સિસ્ટમ સમયસર સ્થાપિત કરવામાં નહીં આવે તો હિમાલયના ક્ષેત્રમાં ભારે વિનાશ જોવા મળી શકે છે.
પ્રોફેસર એમએલ શર્માએ કહ્યું કે સમગ્ર હિમાલય ક્ષેત્ર સેન્સિંગ ઝોન ચાર અને પાંચમાં આવે છે. જે ખૂબ જ જોખમી ઝોન માનવામાં આવે છે. 8 થી 9 ની તીવ્રતાનો ભૂકંપ મોટી તબાહી સર્જી શકે છે. જેમાં મકાનો અને ઈમારતો ધરાશાયી થઈ શકે છે, જેના કારણે મોટી જાનહાનિ થઈ શકે છે.
