આજે ફરી એક વખત ગુજરાતમાંથી જાસૂસીકાંડ ઝડપાયો છે. ગુજરાત ATSએ ફરી એક વખત દેશની સુરક્ષા એજન્સીની જાસૂસી કરતા ભારતીય નાગરિકની ધરપકડ કરી છે. અને આ પહેલા પણ પોરબંદરમાંથી એક જાસૂસીકાંડ સામે આવ્યો છે. આજે ઝડપાયેલ આરોપી ઓખા પાસે રહેતો હતો અને એક ખાનગી કંપનીમાં કામ કરતો હતો. આ સમગ્ર માહિતી ATS ને મળી છે અને તેની ધરપકડ કરી કાયદેસરની કાર્યવાહી શરૂ કરવામાં આવી છે.

દ્વારકામાંથી ઝડપાયો પાકિસ્તાની જાસૂસ

દ્વારકાના ઓખાનો રહેવાસી દિનેશ ગોહિલ પાકિસ્તાનના કેટલાક લોકોના સંપર્કમાં આવ્યો હતો. અને સોશિયલ મીડિયાના માધ્યમથી તેણે કેટલાંક મહત્વના ફોટોગ્રાફ્સ અને માહિતી તેણે પાકિસ્તાનની કોઈ વ્યક્તિને શેર કર્યા હતા. તેણે કોસ્ટગાર્ડ અને ભારતીય દરિયાઈ સીમાના કેટલાક મહત્ત્વની માહિતી પાકિસ્તાનમાં રહેતા કોઈ વ્યક્તિને મોકલી હતી. આ સાથે જ હવે દિનેશ ગોહિલ જ્યાં નોકરી કરતો હતો ત્યાં પણ પૂછપરછ કરવામાં આવશે. જે બાદ સમગ્ર મામલે વધુ ઊંડાણપૂર્વક તપાસ હાથ ધરવામાં આવશે. આ સાથે જ તે જેના સંપર્કમાં હોય તેની તપાસ પણ શરુ કરવામાં આવી છે.

આ પણ વાંચો : Mahayuti Meeting : મહાયુતિની બંને બેઠક રદ, એકનાથ શિંદે તેમના ગામ જવા રવાના, હવે મહારાષ્ટ્રમાં નવા જુનીના એંધાણ