Delhi Earthquake : દિલ્હી-NCR સહિત ઉત્તર ભારતના મોટા ભાગોમાં આજે ભૂકંપના આંચકા અનુભવાયા છે. ભારત ઉપરાંત પાકિસ્તાન અને અફઘાનિસ્તાનના કેટલાક ભાગોમાં પણ ભૂકંપના સમાચાર છે. પાકિસ્તાની અખબાર ધ ટ્રિબ્યુનના અહેવાલ મુજબ, ખૈબર પખ્તુનખ્વાથી લઈને પંજાબ સુધી ભૂકંપના આંચકા અનુભવાયા હતા. રિક્ટર સ્કેલ પર ભૂકંપની તીવ્રતા 5.7 આંકવામાં આવી છે. આ ભૂકંપનું કેન્દ્ર ડેરા ગાઝી ખાન નજીક હોવાનું માનવામાં આવે છે. આ ભૂકંપ પૃથ્વીથી 10 કિલોમીટર નીચે હતો, જેના કારણે ઉપરથી તેની તીવ્રતા ઓછી જોવા મળી હતી.
હાલમાં ભારત, પાકિસ્તાન કે અફઘાનિસ્તાન સહિત ક્યાંયથી પણ જાનમાલના નુકસાનના સમાચાર નથી. આ ભૂકંપના આંચકા દિલ્હી, પશ્ચિમ યુપી, હરિયાણા, જમ્મુ-કાશ્મીર અને પંજાબ સહિત ઘણા રાજ્યોમાં અનુભવાયા હતા. નેશનલ સેન્ટર ફોર સિસ્મોલોજી અનુસાર, ભૂકંપનો સમય 12:58 મિનિટ નોંધવામાં આવ્યો હતો. સેન્ટર ફોર સિસ્મોલોજી અનુસાર, જો ભૂકંપની તીવ્રતા 6 થી ઓછી હોય તો બહુ ભય નથી. પરંતુ આ ભૂકંપનું કેન્દ્ર જમીનથી વધુ નીચે ન હતું, તેથી તે ખતરનાક બની શકે છે. હજુ પણ ક્યાંયથી જાનમાલના નુકસાનના સમાચાર મળ્યા નથી.
An earthquake with a magnitude of 5.8 on the Richter Scale hit Pakistan at 12:58 pm (IST) today: National Center for Seismology pic.twitter.com/zhBonY3YTb
— ANI (@ANI) September 11, 2024
ભૂકંપની તીવ્રતા 5.8 નહીં પરંતુ 5.4 હતી. પાકિસ્તાની પંજાબના મોટાભાગના શહેરોમાં તેની અસર જોવા મળી રહી છે. જેમાં મિયાંવાલી, ખાનવાલ, ટોબા ટેક સિંહ, ગુજરાત, સરગોધા અને ઝાંંગનો સમાવેશ થાય છે. આ સિવાય રાજધાની ઈસ્લામાબાદ, મુલતાન અને લાહોરમાં પણ ભૂકંપના આંચકા અનુભવાયા હતા. ખૈબર પખ્તુનખ્વાના પેશાવર ઉપરાંત સ્વાયત વેલી, નોર્થ વજીરિસ્તાન વગેરેમાં પણ ભૂકંપ આવ્યો છે. તમને જણાવી દઈએ કે 29 ઓગસ્ટે ભૂકંપ આવ્યો હતો, જેનું કેન્દ્ર અફઘાનિસ્તાનમાં હતું.
આ પણ વાંચો : Patan BJP : પાટણની હારીજ માર્કેટીંગ યાર્ડની ચૂંટણીમાં ભાજપના લોકોનો જ બળવો, શિસ્તભંગ બદલ કરાયા બરતરફ
