નિષ્ણાતોનું માનવું છે કે આ ડેટા લીકને રોકવું શક્ય નથી. તેને અન્ય વેબસાઇટ પર સરળતાથી અપલોડ કરી શકાય છે. તે VPN નો ઉપયોગ કરીને જોઈ શકાય છે. ડેટા અન્ય ચેટબોટ્સ અને વેબસાઇટ્સમાં દાખલ કરી શકાય છે. નવો ડેટા પ્રોટેક્શન એક્ટ હજુ અમલમાં નથી.

સરકારે શું કહ્યું?

ભારત સરકાર સુરક્ષિત અને જવાબદાર ઈન્ટરનેટ સેવાઓ પ્રદાન કરવા માટે પ્રતિબદ્ધ છે. ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રાલયના ધ્યાનમાં આવ્યું છે કે કેટલીક વેબસાઈટ દેશના નાગરિકોના આધાર અને પાન કાર્ડ ડેટાને ઉજાગર કરી રહી છે. આ બાબતને ગંભીરતાથી લેવામાં આવી છે. સરકાર સાયબર સુરક્ષા અને વ્યક્તિગત ડેટાની સુરક્ષાને સર્વોચ્ચ પ્રાથમિકતા આપે છે. આ સંદર્ભે આ વેબસાઇટ્સને અવરોધિત કરવામાં આવી છે.

Government of India takes action to protect Citizens' Data: Websites Exposing #Aadhaar and #PAN Details blocked

IT secretaries of the State empowered to address complaints and compensations for Data Privacy violations

Read here: https://t.co/lkyslySIdw@GoI_MeitY

— PIB India (@PIB_India) September 26, 2024

વેબસાઇટ્સ સામે શું આરોપો છે?

આ વેબસાઇટ્સ પર દેશના નાગરિકોના આધાર કાર્ડ અને પાન કાર્ડ ડેટા લીક કરવાનો આરોપ છે. જેના સંદર્ભે આ કાર્યવાહી કરવામાં આવી છે. ડેટા લીકની આ ઘટનાએ લોકોની ચિંતા વધારી દીધી છે.

હેકર્સના નિશાના પર ભારતીય ટેલિકોમ યુઝર્સ

આ વર્ષે જાન્યુઆરીમાં એ વાત સામે આવી હતી કે 75 કરોડ ભારતીય ટેલિકોમ યુઝર્સ હેકર્સના નિશાના પર છે. મામલાની ગંભીરતાને ધ્યાનમાં લઈને ભારતીય ટેલિકોમ વિભાગે ટેલિકોમ કંપનીઓને સિસ્ટમનું ઓડિટ કરવા જણાવ્યું હતું. આની પાછળ હેકર્સ પાસે યુઝર્સના ફોન નંબર અને આધાર કાર્ડ જેવી વિગતોનો એક્સેસ હોવાનું બહાર આવ્યું હતું.

CloudSEK (સાયબર સિક્યુરિટી ફર્મ) એ દાવો કર્યો હતો કે હેકર્સના એક જૂથે ભારતીય મોબાઇલ નેટવર્કના ગ્રાહકોનો મોટો ડેટાબેઝ ડાર્ક વેબ પર વેચાણ માટે મૂક્યો હતો. તેઓ તેને વેચવા માટે 3 હજાર ડોલરની માંગ કરી રહ્યા છે.

આ પણ વાંચો: જ્ઞાનવાપીની જેમ Ajmer દરગાહમાં પણ શિવ મંદિરનો દાવો, કોર્ટે કેસને બીજી કોર્ટમાં કર્યો ટ્રાન્સફર