ભારતીય ટીમે તાજેતરમાં જ T20 વર્લ્ડ કપ જીત્યો હતો. અને આ જીતમાં સ્પિનર ​​અક્ષર પેટલે ( AXAR PATEL )  મહત્વની ભૂમિકા ભજવી હતી. અક્ષર પટેલ ભારતનો સર્વશ્રેષ્ઠ ઓલરાઉન્ડર તો છે. પણ હવે અક્ષર પટેલ એક ઉત્તમ પિતા પણ બનવાના છે. જી હા, તમને જણાવી દઈએ કે, અક્ષર પટેલના લગ્ન મેહા પટેલ સાથે 27 જાન્યુઆરી 2023ના રોજ થયા હતા. હવે અક્ષર પટેલની પત્ની મેહા પટેલ પ્રેગ્નન્ટ છે. અને 2025ની શરૂઆત થતાં જ મેહા એક બાળકને જન્મ આપશે.

વાત જાણે એમ છે કે, 15 ઓગષ્ટની ઉજવણી સમગ્ર દેશવાસીઓ એ કરી અને ફોટો પણ સોશિયલ મિડીયામા અપલોડ કર્યા. જેમા અક્ષર પટેલની પત્નિ મેહાએ પણ પોતાના 15 ઓગષ્ટની ઉજવણી કરવાનો વિડીયો સોશ્યલ મિડીયામા પોસ્ટ કર્યો હતો. જેમા તેનુ બેબી બમ્પ સ્પષ્ટ દેખાઈ આવે છે. જેને લઈ મેહા પટેલ ગર્ભવતી હોવાનું અનુમાન લગાવવામાં આવી રહ્યું છે.

જે પ્રમાણે સુત્રો પાસેથી માહિતી મળી છે એ મુજબ મેહા પટેલ લગભગ 5 મહિનાની ગર્ભવતી છે. પોતાનુ બાળક સ્વસ્થ, તંદુરસ્ત અને સંસ્કારી આવે, અને ગર્ભમાં જ તેના બાળકોને સારા સંસ્કાર આપી શકે તે માટે તે નડિયાદમાં સંતરામ મંદિર દ્વારા સંચાલિત ગર્ભ સંસ્કાર કેન્દ્રમાં જાય છે. જેમા ગર્ભમા જ બાળકનો વિકાસ થાય તેવી ક્રિએટિવ એક્ટિવીટી કરાવવામા આવે છે.

https://www.instagram.com/reel/C-r2gatN1TN/?igsh=MWJlbHRvem5rY241Zw==

આ સમાચારની પુષ્ટિ એટલા માટે પણ થઈ રહી છે કારણ કે, મેહા દ્વારા સોશિયલ મીડિયા પર અપલોડ કરાયેલા વીડિયોનું બેકગ્રાઉન્ડ પણ સંતરામ ગર્ભસંસ્કાર કેન્દ્રનું છે. અને તાજેતરમાં ત્યાં 15મી ઓગસ્ટની ઉજવણીનું આયોજન કરવામાં આવ્યું હતું. જેમાં ગર્ભસ્થ મહિલાઓ એ 15મી ઓગષ્ટની ઉજવણી ઉત્સાહપૂર્વક કરી ,જેમાં મેહા પટેલ પણ જોવા મળી રહી છે.

અક્ષર પટેલ ગુજરાતના ખેડા જિલ્લાના નડિયાદમાં રહે છે. અને તેમની પત્ની મેહા પટેલ વ્યવસાયે ડાયેટિશિયન છે. તે સોશિયલ મીડિયા પર ખૂબ જ એક્ટિવ છે. અવારનવાર મેહા પટેલ સોશિયલ મીડિયા પર રીલ્સ અપલોડ કરે છે. જેમા 15 ઓગષ્ટની ઉજવણીની રીલ્સ પણ અપલોડ કરેલી છે.