Kalindi Express Train : પ્રયાગરાજથી (Prayagraj) ભિવાની વાયા કાનપુર જતી ટ્રેન કાલિંદી એક્સપ્રેસ (14117) ને (Kalindi Express Train) એલપીજી સિલિન્ડરથી ઉડાવી દેવાનો મામલો સામે આવ્યો છે. આ ટ્રેન રવિવારે મોડી સાંજે ટ્રેક પર રાખવામાં આવેલા સિલિન્ડર સાથે અથડાઈ હતી. આ દરમિયાન જોરદાર અવાજ પણ થયો. સારી વાત એ છે કે ટ્રેનમાં હાજર મુસાફરોને કોઈ નુકસાન થયું નથી.
શું છે સમગ્ર મામલો?
કાનપુરના અનવરગંજ-કાસગંજ રેલવે રૂટ પર મોડી સાંજે ભિવાની જઈ રહેલી કાલિંદી એક્સપ્રેસ પાટા પર રાખવામાં આવેલા સિલિન્ડર સાથે અથડાઈ હતી. ટ્રેનની સ્પીડ વધુ હતી જેના કારણે તે ટ્રેન રોકતી વખતે સિલિન્ડર સાથે અથડાઈ હતી. તેના કારણે જોરદાર અવાજ પણ આવ્યો હતો.
આરપીએફ ઈન્સ્પેક્ટર તપાસ કરવા પહોંચ્યા
શિવરાજપુર પાસે ડ્રાઈવરે જણાવ્યું પણ હતુ કે ટ્રેન કોઈ લોખંડની વસ્તુ સાથે અથડાઈ છે. ઈમરજન્સી બ્રેક લગાવીને ટ્રેનને રોકવામાં આવી હતી પરંતુ સ્થળ પર કંઈ જ મળ્યું ન હતું. ટ્રેન ડ્રાઈવરની સૂચના પર આરપીએફ ઈન્સ્પેક્ટર તપાસ કરવા પહોંચ્યા. તપાસ બાદ ઓપી મીનાની ટીમે લગભગ 200 મીટર દૂરથી સિલિન્ડર મેળવ્યું હતું.જે સિલિન્ડર સાથે ટ્રેન અથડાઈ હતી તે સિલિન્ડર ભરેલું મળી આવ્યું હતું. તપાસ દરમિયાન અન્ય શંકાસ્પદ વસ્તુઓ પણ મળી આવી છે. આરપીએફએ કહ્યું કે ષડયંત્રની ઘટનાને નકારી શકાય નહીં. હાલ આરપીએફએ એફઆઈઆર નોંધીને તપાસ શરૂ કરી છે.
પોલીસને ઘણી શંકાસ્પદ વસ્તુઓ મળી આવી
ઘટનાસ્થળે તપાસમાં લાગેલી આરપીએફ અને યુપી પોલીસને ઘણી શંકાસ્પદ વસ્તુઓ મળી આવી છે. આરપીએફ તરફથી મળેલી માહિતી અનુસાર, સ્થળ પરથી એક એલપીજી સિલિન્ડર, માચીસ બોક્સ, પેટ્રોલથી ભરેલી પેટ્રોલ બોમ્બ જેવી બોટલ, એક થેલી અને અન્ય સંવેદનશીલ વસ્તુઓ મળી આવી છે. આજે આરપીએફ અને યુપી પોલીસ ડોગ સ્ક્વોડ સાથે ફરી ઘટના સ્થળની તપાસ કરશે.રેલવે આ સમગ્ર મામલાને ગંભીરતાથી લઈ રહ્યું છે. કાનપુરની ઘટના અંગે રેલવેએ એફઆઈઆર નોંધી છે.
આ પણ વાંચો : પટનામાં બદમાશોનો આતંક વધ્યો, હવે નેતાઓ પણ સુરક્ષિત નથી ! ભાજપના નેતાની હત્યાથી ખળભળાટ
