ChhotaUdepur : ગુજરાતની રાજનીતિમાં રોજ અવનવા રંગ જોવા મળી રહ્યા છે. છેલ્લા કેટલાક સમયથી ગુજરાતમાં અધિકારી રાજ ચાલે છે અને ચૂંટાયેલા પ્રતિનિધીઓનું તો કંઈ ચાલતું જ નથી. હવે અધિકારીઓ ચૂંટાયેલા પ્રતિનિધીઓનું સાંભળતા પણ ન હોય તેવું જોવા મળી રહ્યુ છે. ત્યારે છોટાઉદેપુરના (ChhotaUdepur) ભાજપના સાંસદ (BJP MP) જશુ રાઠવાએ (Jashu Rathwa) એક પત્ર લખીને અધિકારીઓ સમયસર જવાબ ના આપતા હોવાનો કલેક્ટરને પત્ર લખી હૈયાવરાળ ઠાલવી હતી. ત્યારે આ પત્ર વાયરલ થતા કોંગ્રેસે તેને રાજકીય મુદ્દો બનાવી દીધો છે.
જશુ રાઠવાનો પત્ર વાયરલ થતા કોંગ્રેસે તેને રાજકીય મુદ્દો બનાવ્યો
છોટાઉદેપુર સાંસદ જશુ રાઠવાએ કલેકટરને પત્ર લખ્યો હતો અને સાંસદ દ્વારા કરાયેલા પ્રશ્નોનો જવાબ જે તે વિભાગ દ્વારા સમયસર મળતા નથી અને જે જવાબ અપાય છે તે અધૂરી માહિતિવાળા હોવાનો પણ ઉલ્લેખ કરાયો હતો તેમણે વિભાગ દ્વારા સમયસર જવાબ ન મળવાના કારણે સંકલન મિટિંગ અભ્યાસ વિના જવું પડતું હોવાની રજૂઆત કરી હતી ત્યારે સાંસદ જશુ રાઠવાના અધિકારીઓ સમયસર જવાબ ના આપતા હોવા બાબતે કલેક્ટરને લખેલ પત્ર વાયરલ થતા કોંગ્રેસે તેને રાજકીય મુદ્દો બનાવ્યો છે, કોંગ્રેસ દ્વારા આજે જિલ્લા કલેક્ટરને આવેદન પત્ર આપી સાંસદની તરફેણ કરી છે.
કોંગ્રેસે વાયરલ પત્રને ટાંકી ભાજપ સરકાર અને પ્રશાસન પર કર્યા આકરા પ્રહારો
છોટાઉદેપુર સાંસદ જસુ રાઠવાએ કલેક્ટરને પત્ર લખી જુદા જુદા વિભાગના અધિકારીઓ સંકલન બેઠક માટે પૂછવામાં આવતા પ્રશ્નોનો સમયસર જવાબ ના આપતા હોવાની રજૂઆત કરી. જે પત્ર વાયરલ થતા કોંગ્રેસ આ બાબતને રાજકીય રંગ આપ્યો છે. કોંગ્રેસના આગેવાનો આજે જિલ્લા કલેક્ટર કચેરી જઈ આવેદન પત્ર પાઠવી પ્રજાના હિતમાં સાંસદને અધિકારીઓ દ્વારા સમયસર જવાબ આપવા રજૂઆત કરી હતી. કોંગ્રેસ દ્વારા વાયરલ પત્રને ટાંકી ભાજપ સરકાર અને પ્રશાસન પર આકરા પ્રહારો કર્યા હતા. ત્યારે આ મામલે કોંગ્રેસે પણ ઝંપલાવ્યું છે કોંગ્રેસે આ મામલે ભાજપના સાંસદનો પક્ષ લીધો છે. ત્યારે સવાલ તે થાય છે વિપક્ષનું કોઈ સાંભળતુ નથી તેતો અનેક વાર જોવા મળે છે પરંતુજો અધિકારીઓ સત્તાધારી પક્ષના સાંસદોનું પણ ન સાંભળતા હોય તો સામાન્ય જનતાની તો શું વાત કરવી ? ત્યારે હવે આમાં કોંગ્રેસે પણ ઝંપલાવતા આમાં શું નવા રંગ ઉમેરાય છે તે જોવું રહ્યું…
આ પણ વાંચો : છત્તીસગઢમાં આકાશી આફત વરસી ! વીજળી પડવાથી 4 બાળકો સહિત 8 લોકોનાં મોત
